Тошкент шаҳри таркибида Янгиҳаёт тумани ташкил этилиши муносабати билан суд тизимини такомиллаштириш чора-тадбирлари тўғрисида

2 Маъмурий ҳуқуқбузарлик тўғрисидаги иш юзасидан чиқарилган қарор хусусида берилган шикоят ёки билдирилган протестни кўриб чиқиш
Жавоб: 319-модда. Маъмурий ҳуқуқбузарлик тўғрисидаги иш юзасидан чиқарилган қарор хусусида берилган шикоят ёки билдирилган протестни кўриб чиқиш
Маъмурий ҳуқуқбузарлик тўғрисидаги иш юзасидан чиқарилган қарор хусусидаги берилган шикоят ёки билдирилган протестни ваколатли органлар (мансабдор шахслар), шикоят ва протест тушган кундан бошлаб ўн кун муддат ичида кўриб чиқадилар.
Маъмурий ҳуқуқбузарлик тўғрисидаги иш юзасидан чиқарилган қарор хусусида берилган шикоят ёки билдирилган протестни кўриб чиқиш пайтида орган (мансабдор шахс) чиқарилган қарорнинг қонунийлиги, асослилиги ва адолатлилигини текширади.
Маъмурий ҳуқуқбузарлик тўғрисидаги иш бўйича қарор устидан шикоят ёки протест жиноят ишлари бўйича туман (шаҳар) судининг судьяси томонидан якка тартибда кўриб чиқилади ва унинг натижаларига кўра, ушбу Кодекснинг 321-моддасида назарда тутилган қоидаларга биноан қарор қабул қилинади.
47-билет
1 Ўзбекистон Республикаси Олий суд раисининг “Олий суднинг таркибий тузилмаларида ижро интизомига риоя қилиш ҳамда ушбу соҳани тартибга солиш бўйича “Ижро интизомини назорат қилишнинг ягона электрон тизими”ни (doc.sud.uz) фаолиятга жорий қилиш тўғрисида”ги фармойишининг мазмун-моҳиятини очиб беринг.
Жавоб: Олий судга келиб тушган корреспонденциялар ҳамда раҳбариятнинг топшириқлари ижросини белгиланган муддатларда ижро интизомини назорат қилишнинг ягона электрон тизими (doc.sud.uz).
Республика судлари раислари, судьялари ва ходимлари иштирокида 2021 йил 27 февраль куни кенгайтирилган тарзда ўтказилган Олий суд Раёсати йиғилишида белгиланган вазифаларни амалга ошириш юзасидан тасдиқланган Йўл хаританинг 167-банди ижросини таъминлаш мақсадида, 2021 йилнинг 1 апрелидан бошлаб мазкур электрон тизим Олий суд фаолиятига тўлиқ жорий этилган.
Электрон тизим билан ишлаш тартиби қуйидагича белгиланган
ижроси назоратга олинган барча хат ва ҳужжатлар Ташкилий-назорат бошқармасига тақдим қилинади;
ижроси назоратга олинган хат ва ҳужжатларга доир реквизитлар (рақами, санаси, ижрочининг Ф.И.Ш, ижро муддати ва ҳ.к.) улар тақдим қилинган куннинг ўзида Ташкилий-назорат бошқармаси томонидан электрон тизимга киритилади;
тайинланган ижрочи хат ва ҳужжат ижроси юзасидан белгиланган муддат ичида тегишли чораларни кўриб, натижа (жавоб хати, маълумот, ахборот ва ҳ.к.)лари бўйича маълумотларни электрон тизимга юклайди;
Ташкилий-назорат бошқармаси киритилган маълумотлар тўлиқлиги ва ҳаққонийлигини текширади;
ижрочи томонидан бажарилган ишлар ҳақидаги маълумотлар Ташкилий-назорат бошқармаси томонидан кўриб чиқилиб, бажарилган ишлар етарли ҳамда якуний бўлган тақдирда хат
ва ҳужжатнинг ижроси таъминланганлигини электрон тизимга қайд қилади ва уни назоратдан ечади;
хат ва ҳужжатларнинг ижро муддати узайтирилган тақдирда унга доир маълумот тегишли ҳужжатларни илова қилган ҳолда ижрочи томонидан электрон тизимга юкланади ва муддат ўзгарганлиги Ташкилий-назорат бошқармаси томонидан электрон тизимга қайд этилиб, ижро назорати давом эттирилади.
Бунда Ташкилий-назорат бошқармаси белгиланган ижро муддатларини узайтириш ҳақидаги таклифлар асослилигини ўрганишга ҳақли.