Тошкент шаҳри таркибида Янгиҳаёт тумани ташкил этилиши муносабати билан суд тизимини такомиллаштириш чора-тадбирлари тўғрисида

3. Жиноят-процессуал қонун нормаларининг жиддий бузилишларини ҳолатларини санаб беринг .
Жавоб: 497²²-модда. Жиноят-процессуал қонун нормаларининг жиддий бузилишлари
Процесс иштирокчиларини қонун билан кафолатланган ҳуқуқлардан маҳрум қилган ёки бу ҳуқуқларни чеклаган ёхуд суд ишнинг ҳар томонлама кўриб чиқишига бошқача тарзда халал берган ҳамда қонуний, асосли ва адолатли ҳукм чиқаришга таъсир қилган ёки таъсир қилиши мумкин бўлган қоидабузарликлар ушбу Кодекс нормаларини жиддий бузиш деб эътироф этилади.
Ҳукм қуйидаги ҳолларда бекор қилиниши керак, агар:
1) ҳукмни қонунга хилоф таркибдаги суд чиқарган бўлса;
2) судьянинг ҳукмни якка ўзи чиқариши тартиби ёки ҳукм чиқаришда судьялар маслаҳатлашувининг сир сақланиши бузилган бўлса;
3) иш судланувчи йўқлигида кўрилган бўлса, бундан ушбу Кодекс 410-моддасининг учинчи қисмида назарда тутилган ҳол мустасно;
4) суриштирув ёки дастлабки тергов тамомланганидан сўнг айбланувчи ишдаги барча материаллар билан таништирилмаган ва бу қоидабузарлик ҳукм чиқарган суд томонидан бартараф этилмаган бўлса;
5) ҳимоячиси бўлмаган судланувчига ҳимоя нутқи учун сўз берилмаган бўлса;
6) судланувчига охирги сўз берилмаган бўлса;
7) судланувчининг она тилидан ва таржимон хизматидан фойдаланиш ҳуқуқи бузилган бўлса;
8) қонунга кўра ҳимоячининг иштироки шарт бўлса-ю, иш унинг иштирокисиз тергов қилинган ёки кўриб чиқилган бўлса;
9) ишни юритишни истисно этадиган ҳолатлар бўла туриб, суриштирув, дастлабки тергов ва суд муҳокамаси ўтказилган бўлса;
10) суд мажлиси баённомаси ишга тикилмаган ёхуд имзоланмаган бўлса.
27-билет
1. Маъмурий ҳуқуқбузарликлар тўғрисидаги ишларни кўриб чиқиш ваколатини маъмурий судлардан жиноят ишлари бўйича судларга ўтказишдан асосий кўзланган мақсад нима?
Жавоб: Суд-ҳуқуқ соҳасида белгиланган вазифаларни изчил амалга ошириш, фуқароларнинг одил судловга эришиш даражасини юксалтириш, ишларни судда кўриш сифатини ошириш ҳамда холис, адолатли ва қонуний суд қарорларини қабул қилиш учун тарафларнинг тенглиги ва тортишувчанлигини амалда таъминлаш механизмларини кенгайтириш мақсадида 2021 йил 1 январдан бошлаб маъмурий ҳуқуқбузарликлар тўғрисидаги ишларни кўриб чиқиш ваколати маъмурий судлардан жиноят ишлари бўйича судларга ўтказилди. (ПФ-6034 Фармонига асосан)
Шу билан бирга оммавий-ҳуқуқий низоларни кўришга ихтисослашган маъмурий судларга, табиатига кўра, бир-бирига зид бўлган маъмурий ҳуқуқбузарликка оид ишларни кўриш ҳам юклатилган. Бу ҳолат одил судлов сифатига таъсир кўрсатмай қолмайди. (https://sud.uz/mamuriy-sudlar-tizimi-yanada-takomillashtirilmoqda/).
2.Шахсий масалалар бўйича хорижга чиқаётган судья ва суд ходимларининг мажбуриятлари ҳақида гапириб беринг.
Жавоб: 11. Шахсий масалалар бўйича хорижга чиқаётган судья ва суд ходимлари:
келган давлатнинг қонунчилигига ва умум қабул қилинган одоб-аҳлоқ қоидалари (этика)га риоя этишга;
ўзининг мансаб вазифаларини бажариши давомида унга маълум бўлган маълумотларни ошкор этмасликка;
фавқулотдаги вазиятлар, келган давлатдаги ҳуқуқни муҳофаза қилиш органлари томонидан ушлаш билан боғлиқ, йўл-транспорт ҳодисалари, тиббий ёрдам сўраб мурожаат қилиш зарурати, бошқа шахслар томонидан хавф солинганда ва шу кабилар келиб чиққан тақдирда, зудлик билан борган давлатдаги Ўзбекистон Республикаси элчихонаси (консуллик муассасаси) билан боғланишга;
Ўзбекистон Республикасига қайтиб келгандан сўнг уч кунлик муддат ичида тегишли мансабдор шахсни келганлиги тўғрисида мазкур Йўриқноманинг 5-иловасида кўрсатилган шаклда ёзма равишда хабардор қилишга мажбур.