Тошкент шаҳар Учтепа тумани Чилонзор 30-даҳа, 6-уй, 1-хонадонда яшовчи фуқаро Сафаров Бахтиёр Нормуродовичдан

Тошкент шаҳар Учтепа ИИО ФМБ бошлиғига
————————————————
Тошкент шаҳар Учтепа тумани Чилонзор 30-даҳа, 6-уй, 1-хонадонда яшовчи фуқаро Сафаров Бахтиёр Нормуродовичдан
————————————————
Тел: [phone]

А Р И З А
Мен юқоридаги манзилда 1990 йилдан бери яшаб келмоқдаман. 2019 йил август ойида мен 4 хонали уйимни (кўп қаватли уй) эҳтиёжим юзасидан сотган эдим. Бу пулга катта ўғлимга бошқа уй олиб бермоқчи эдим.
Уй-жойни Тошкент шаҳар, Учтепа тумани, 22-кварталда жойлашган 2-сонли нотариатда расмийлаштирдим. Шу орада турмуш ўртоғимнинг яқин қариндошлари Қўшоқова Раъно ва Қўшоқова Лола “Пулни бизга бериб туринг, яхши уй бор, ўзимиз олиб берамиз” – деб биздан умумий хисобда 26 200 АҚШ доллар пулимизни шу куни Учтепа тумани, 22-кварталдаги нотариал биносида турмуш ўртоғим Сафарова Доно қўлидан олишди. Пул берилган пайтда катта ўғлим Сафаров Даврон ҳам шу ерда кўриб турган эди. Пулларни биз уларга ишониб берган эдик. Лекин мана 2 йил бўляптики, бизга пулимизни қайтариб беришмаяпти. Бахоналар жуда ҳам кўп.
Суриштирсак ушбу фуқаролар юқорида курсатилга пулларни ўз эҳтиёжлари учун сарфлаб юборишган экан. Улар билан гаплашавериб, уларнинг уйларига қатнайвериб тоқатимиз тоқ бўлди, ҳеч қандай натижа чиқмади. Кейин эшитсак, улар бошқа одамлардан ҳам пул олиб бермай юришган экан. Эшитишимиз бўйича ушбу фуқаролар 4-5 кишидан қарз олиб бермай юришган экан. Юқорида баён этганларни инобатга олиб, ҳамда ушбу фуқароларнинг ижтимоий хавфли ҳаракатларини ҳисобга олиб уларга нисбатан суриштирув тергов ҳаракатларини олиб боришингизни, уларга нисбатан фирибгарлик жинояти бўйича жиноий иш қўзғатишингизни сўрайман.
Фуқаролар, Қўшоқова Рано Хакимовна ва Қўшақова Лола Хакимовналар Серегли тумани, Чоштепа кўчаси, 174-уйда яшайдилар. ([phone])
Ушбу фуқароларнинг таниш-билишлари борлигини, ҳамда уларнинг укаси ички ишлар идорасида хизмат қилганлигини эътиборга олиб ушбу аризамни кўриб чиқилишини ўзингизнинг назоратингизга олишингизни сиздан илтимос қиламан.


_______________2021 йил Сафаров Б.Н.