Тошкент ш., 2020 йил 22 декабрь

ИЖОДИЙ РИВОЖЛАНИШ

Кичик соҳа: Бадиий-ижодий қобилиятлар
Талаб: Бола атрофдаги борлиқни ижодий ўзгартириш малакасига эга
3-4 ёш	4-5 ёш	5-6 ёш	6-7 ёш
КУТИЛАЁТГАН НАТИЖАЛАР
тасвирий материаллар номини билади ва тўғри қўллайди; содда композициялар, алоҳида буюмларни чизади; тасвирланаётган предметларга мос рангларни танлайди ва бўяйди; болалар мусиқий асбобларида (бубен, най, ксилофон) чалишга тақлид қилади; болалар гуруҳи билан қўшиқ айтади; рақсга тушади (жуфтликда айланади, оёқлари билан депсинади, предметлар билан мусиқага монанд ҳаракатланади); пластилиндан берилган содда шаклларни ясайди; тайёр шакллардан тасвирлар яратади, турли шаклдаги қоғозларни ясатади; қумдан турли шакл ва пирамидалар қуради.	предметлар шаклини аниқ кўрсатган ҳолда қисмларга бой тасвирлар чизади; сюжетли расм, предмет ва персонажлар чизади; шаклларни турли техника асосида бўяйди; лой, хамир ва пластилиндан ясайди; фаолияти бошида кўз олдига келтириб тасаввур қилади; хорда ва яккахон қўшиқ айтади; рақс ҳаракатларини ҳиссиётларни намоён этиш ва мулоқот воситаси сифатида қабул қилади; мусиқий асбобларда чалади (қўнғироқча, доира, металлофон, уч бурчак); катталар ёрдамида бармоқлар театри саҳна кўринишларида иштирок этади.	мураккаб предметлар чизади ва уларни декоратив нақшлар билан ясатади (чойнак, гилам, рўмол, лаган); хотира ёки тасаввурига кўра сюжет яратади; қоғоздан ва табиат материалларидан аппликация-ҳажмли оранжировкалар яратади (силуэтлар, откриткалар, китоб ёрлиқлари); муҳит ёки шахсий лойиҳаларини ясатади; қоғоз буклаш, йиртиш, қирқиш йўли билан шаклларнинг ҳаракати ва пропорцияларини ёритган ҳолда кичик сюжетли композициялар яратади; тенгдошлари билан ижодий ўйинлар яратиши мумкин; шахсий ишларида турли ифода воситаларини қўллайди; жамоавий лойиҳаларда ғоялар таклиф этади.	турли предметлардан композициялар яратади; индивидуал ва жамоада қўшиқ айта олади; рақсда ҳаракатларига жило берган ҳолда шахсий намуна яратиши мумкин; мусиқий асбобларда яккахон ёки оркестрда жўр бўлиб чалиши мумкин; ғоя яратади ва татбиқ этади; мақсадга эришишда ўриндош сифатида турли предметлар қўллайди; турли спектаклларда рол ижро этиб иштирок этади; оламни ўзгартиришда инсоннинг яратувчи ролини англайди; буюмларни иккиламчи қўллашда ғоялар таклиф этиши мумкин.

Мактабгача таълим ва тарбиянинг давлат стандартига
2-ИЛОВА