Тошкент молия институти ҳузуридаги илмий даражалар берувчи dsc

Тадқиқотнинг объекти бўлиб республикамизда фаолият кўрсатаётган 
акциядорлик жамиятлари, шунингдек хорижий инвестициялар иштирокидаги 
масъулияти чекланган жамиятлар ҳисобланади.
Тадқиқотнинг предмети иқтисодиётни модернизациялаш шароитида 
молиявий 
ҳисоботнинг 
назарий 
ва 
методологик 
асосларини 
такомиллаштиришга қаратилган муносабатлар ҳамда жараёнлардан иборат. 
Тадқиқотнинг усуллари. Диссертацияда таҳлил ва синтез, индукция ва 
дедукция, тизимли ёндашув, абстракт-мантиқий фикрлаш, монографик 
кузатув, бухгалтерия ҳисоби, статистика, иқтисодий таҳлил ҳамда 
иқтисодий-математик усуллардан фойдаланилди.

---

11 
Тадқиқотнинг илмий янгилиги қуйидагилардан иборат: 
молиявий ҳисоботнинг қамраб олаётган ахборотларини белгилаш орқали 
«молиявий ҳисобот» ҳамда амалга ошириш кетма-кетлиги ва қайта ташкил 
этиш жараёнига аниқлик киритиш йўли билан «молиявий ҳисобот 
трансформацияси» тушунчалари таърифлари такомиллаштирилган; 
замонавий ёндашувлар асосида молиявий ҳисоботнинг активлари қиймати 
ва мажбуриятларини баҳолаш ҳамда хусусий капитали элементлари ўзгари-
шини ҳисобга олишнинг услубий тартиб-қоидалари такомиллаштирилган; 
халқаро талаблардан келиб чиқиб, бухгалтерия балансида активлар ва 
мажбуриятлар таркиби ҳамда молиявий ҳолат тўғрисидаги ҳисоботнинг янги 
шакли ишлаб чиқилган; 
илғор хорижий тажрибалар асосида «Пул оқимлари ҳақидаги 
ҳисобот»нинг мазмуни ва таркиби такомиллаштирилган ҳамда ҳисоботни 
бевосита ва билвосита усулларда тузишда трансформация формулалари 
ишлаб чиқилган; 
«Хусусий капиталнинг ўзгариши тўғрисидаги ҳисобот»нинг мазмуни ва 
унинг 
таркибини 
молиявий 
ҳисоботнинг халқаро 
стандартларига 
мувофиқлаштириш асосида ушбу ҳисоботнинг янги шакли ишлаб чиқилган; 
«Фойда ва зарарлар ҳамда бошқа тўплам даромадлар тўғрисидаги 
ҳисобот», «Маҳсулот (иш, хизматлар) таннархи тўғрисидаги ҳисобот»ларнинг 
шакллари ҳамда ушбу ҳисоботларни тузишда вериайбл костинг (variable 
costing) тизимини қўллашнинг услубий тартиби такомиллаштирилган.