Тошкент молия институти ҳузуридаги илмий даражалар берувчи dsc

Диссертация тадқиқотининг диссертация бажарилган олий таълим 
ёки илмий-тадқиқот муассасасининг илмий-тадқиқот ишлари режалари 
билан боғлиқлиги. Диссертация мавзуси Самарқанд иқтисодиёт ва сервис 
институтининг «Мамлакатни модернизациялаш ва инновацион иқтисодиётга 
ўтиш шароитида хизмат кўрсатиш, сервис ва туризмни ривожлантиришнинг 
назарий ва амалий муаммолари» мавзуси доирасида бажарилган.
Тадқиқотнинг мақсади иқтисодиётни модернизациялаш шароитида 
молиявий ҳисоботнинг назарий ва методологик асосларини такомиллаш-
тириш бўйича таклиф ва амалий тавсиялар ишлаб чиқишдан иборат.
Тадқиқотнинг вазифалари: 
илғор хорижий тажрибалар асосида молиявий ҳисоб ва ҳисоботнинг 
мустақил иқтисодий фан сифатида шаклланишини белгиловчи омилларни
тизимлаштириш ҳамда «молиявий ҳисобот» ва «молиявий ҳисобот 
трансформацияси» тушунчаларига такомиллашган таърифларини асослаш; 
молиявий ҳисоботнинг активлар, мажбуриятлар ҳамда хусусий капитал 
элементларини баҳолаш ва ҳисобга олишнинг услубий тартиб-қоидаларини 
такомиллаштириш бўйича таклифлар ишлаб чиқиш; 
бухгалтерия балансида активлар, мажбуриятлар ва хусусий капитал 
таркибини МҲХСларига мувофиқлаштириш асосида молиявий ҳолат 
тўғрисидаги ҳисобот ҳамда «Мулк: ер, бино, машина ва асбоб-ускуналар 
ҳаракати тўғрисидаги ҳисобот»нинг шаклларини тавсия этиш; 
илғор хорижий тажрибаларни тадқиқ этиш асосида «Пул оқимлари 
ҳақидаги ҳисобот»нинг мазмуни, таркиби ҳамда тузиш тартиби ва тақдим 
қилинишининг методологик асосларини такомиллаштириш ҳамда ҳисоботни 
бевосита ва билвосита усулларда тузишда трансформация формулаларини 
ишлаб чиқиш;
«Хусусий капиталнинг ўзгариши тўғрисидаги ҳисобот» мазмуни ва тарки-
бини МҲХСлари ва илғор тажрибаларга мувофиқ ҳолда такомиллаштириш;
«Фойда ва зарарлар ҳамда бошқа тўплам даромадлар тўғрисидаги 
ҳисобот», «Маҳсулот (иш, хизматлар) таннархи тўғрисидаги ҳисобот»лар 
мазмуни ва таркибини такомиллаштириш ҳамда ушбу ҳисоботларни илғор 
хорижий тажрибалардаги вериайбл костинг (variable costing) тизими асосида 
тузиш услубиётини таклиф этиш;
молиявий ҳисоботни МҲХСлар асосида трансформация қилишнинг 
моделини ишлаб чиқиш.