Тошкент молия институти с. С

Тармоқдаги пирамидаларнинг энг оддий усулига мисол бўлиб занжир бўйлаб хат жўнатиш киради. Бунда Сиз бирор бир кимсадан хат оласиз ва унда бошқа бир қанча одамнинг номи ва манзили кўрсатилади. Сизга бу шахсларнинг биринчисига масалан 100 сўмдан жўнатиш ва унинг ўрнига руйхат охирига ўз номингизни ёзиб қўйиш таклиф қилинади. Кейин ушбу хатни ўз танишларингиздан бир қанчасига жўнатиш кераклиги кўрсатилади. Сиз менга хам нихоят бахт кулиб боқди ва каминага катта миқдордаги маблағ ишлаб олиш имконияти яратилди деб жуда хурсанд бўлиб, бу ўйинга қўшилишингиз мумкин. Лекин кейинчалик хеч нима ололмасангиз хафа бўлманг, чунки бу хатни энг биринчи юборган одам аллақачон тегишли пулни ишлаб олиб, жуфтакни урган ва Сиз энди хеч нима ола олмайсиз. Пирамиданинг иккинчи усулига фиктив маркетингкиради. Бунда Сизга жуда тезлик билан ривожланаётган фирманинг фаолиятида қатнашишинигиз таклиф қилинади. Бунда пирамиданинг тепасида турган бир шахс (ёки шахслар) бошқа одамлари ёллайдилар, улар эса ўз навбатида бошқаларини бу ишга жалб қилишга харакат қиладилар ва ёлланганларга бошқаларни хам жалб қилиш мухимлигини уқтирадилар. Шундай қилиб, ушбу тадбирда қатнашаётган инсонлар сони вақт ўтиши билан жуда ҳам кўпайиб кетади. Хар бир ёлланган одамга регистрация қилиниш учун маълум миқдорда бадал тўлаш сўралади. Сизга бошқаларни ёллаш хуқуқи қайд қилинганингиздан сўнггина берилади. Хар бир ёлланган инсон учун ва Сиз ёллаган шахслар ёллаган одамлар учун хам Сиз маълум миқдорда пул хам оласиз ва ишга қизиқиб кетасиз. Шундай қилиб, пирамиданинг энг тепасида турганларнинг катта миқдордаги пул ишлаб олишларига имконият туғилади. Одамлар ёллаб турилганда ва пул миқдори хали анча катта бўлган холда бундай фирма жуда хам фаол равишда ишлаб туради, кўпчилик
фирибгарликни тушуниб қолиб, уларнинг ишлаётган пули миқдори анча камайганида, пирамиданинг асосчилари қаергадир ғойиб бўладилар (Бермуд оролларига ёки дам олиш масканларига). Бунда кўпинча образли қилиб
«Пирамида қулади» дейдилар.