Тошкент молия институти с. С

Ботнет ёки ботлар – робот ва Нетwорк сўзларидан олинган бўлиб, зарарли (ёки қандайдир, инсонлар учун фойдали бўлган) дастурий таъминот ўрнатилган компъютерлар бўлиб, улар ташқаридан маҳсус дастур бўйича бошқарилина оладилар.
Бек-офис – контентни бошқариш тизими ёки қандайдир жараённинг маълумотлар базаси.
Бизнес-модел – бу даромадни яратиш услубини акс эттирувчи корхона томонидан ишлаб чиқарилган товар тамойили ва моҳиятининг мавҳум кўринишидир. Товарларни анъанавий дўконлар орқали эмас, балки харидорларга бевосита интерфаол сотиш Янги бизнес-моделини ифода этади. Китоб дўконлари электрон китобларни воситачилар ёрдамисиз бевосита
харидорларга сотиб, ушбу бизнес-моделни амалиётда қўллайди. Сармоядорлар ўз битимларини юқори комиссион фоизларни ундирадиган универсал чакана брокерларга мурожаат қилмасдан, бевосита Интернет орқали арзон молиявий ахборотдан фойдаланишлари мумкин. Агар бизнес- модел фақатгина Интернетга асосланган бўлса, у ҳолда уни соф ўйинчи дейдилар.
Билим – маълум қийматга эга ахборотлашган маҳсулотлар йиғиндиси. Таянч билимларга таълим муассасаларида ўргатиладиган ахборотлашган маҳсулотлар таъаллуқлидир.
Билимларни бошқариш – бу билимни идентификация қилиш, билимни бошқариш, билимни ривожлантириш ва ундан фойдаланишдир. У билимларни қандай олиш, уни тарқатиш, ўзгартириш, ундан фойдаланиш ҳамда фирма учун зарур амалий устунликларни узлуксиз топиш билан шуғулланади.
Билимлар капитали – бу компаниянинг билимларни эгаллаш, ишлаб чиқиш ва улардан фойдаланиш учун сарфлаган сармояларидир. Билимлар капиталининг муҳим таркибий қисми компаниянинг интеллектуал мулки ҳисобланади.
Билимлар корпорацияси – бу билимларни рақобатбардош устунликлар учун асос бўлиб ҳизмат қилишини, унинг энг қадрли активлар сифатида муҳимлигини тан олувчи фирма.