Toshkent moliya instituti “davlatiy moliya” kafedrasi

1. Talaba portfoliosini shakllantish bo‘yicha umumiy qoidalar
“Portfolio” faoliyatning turli yo‘nalishlari bo‘yicha talabaning shaxsiy yutuqlari va natijalarini tasdiqlovchi hujjatlar majmuidir. Portfolioni yaratish talabaning ijodiy faoliyati hisoblanib, unga talabaning oliy ta’lim muassasasida o‘qish jarayonida o‘quv, ilmiy-izlanish, sport, ijodiy, ijtimoiy va boshqalar bo‘yicha faoliyat natijalari uning o’zi tomonidan kiritib boriladi.

Portfolioni yaratishdan asosiy maqsad - talabaning oliy ta’lim muassasasida o‘qish jarayonida erishgan yutuqlari to‘g‘risidagi daliliy hujjatlarni to‘plash va saqlashdan iborat. Portfolio talabaning ta’lim sohasidagi faoliyati natijalarini o‘zi tomonidan baholashning samarali shakli bo‘lish bilan birga, quyidagilarga xizmat qiladi:

• 
  ta’lim sohasida erishgan yutuqlarini dalillashtiradi;
  
• 
  bajarilgan ishlarga ko’ra raqobat qilish bo‘yicha tajriba ortdiradi;
  
• 
  kasbiy kompetentlikni rivojlantirish uchun mustaqil ta’limni amalga oshiradi;
  
• 
  o‘zining kasbiy kompetentlik darajasini obyektiv baholash malakasini rivojlantiradi;
  
• 
  bo‘lajak mutaxassisning raqobatbardoshligini oshiradi;
  
• 
  talabaning turli sohalardagi faoliyati, jumladan o‘quv-tarbiyaviy, ijodiy, ijtimoiy, kommunikativ va boshqalar bo‘yicha erishgan natijalari sifatini baholash imkonini beradi.
  

Portfolio talabaning faoliyatiga baho berish sifatini ta’minlashga xizmat qiladi va quyidagi vazifalarni bajaradi:

• 
  shaxsiy muvaffaqqiyatini baholash;
  
• 
  individual tarzda muvaffaqqiyatlar monitoringini yuritish;
  
• 
  baholash mezoniga muvofiq (masalan 0-30 ballgacha) reyting ballarini jamlash;
  
• 
  ta’lim natijalarini xolis belgilash;
  
• 
  natijaga erishish omillarini aniq ko’ra olish;
  
• 
  kasbiy imkoniyat va qobiliyatni, kuchli va kuchsiz tomonlarni ko’ra olish, ijodiy salohiyatga baho berish.