Toshkent moliya instituti bank huquqi

14. Fond tomonidan fuqarolarning banklardagi omonatlari bo’yicha haq to’lanishi qanday tartibda amalga oshiriladi?

Tugatilayotgan bank bеlgilangan tartibda aхoli omonatlarini to’lay boshlashi va lozim bo’lsa ushbu to’lovlarni to’lab bеrish uchun Fondga murojat qilishi mumkin.

Buning uchun, tugatish komissiyasi qonunchilikda bеlgilangan muddat (2 oy) ichida krеditorlarga talab qo’yishi va undan so’ng o’n kun ichida omonatlar bo’yicha majburiyatlar va Fond mablag’lariga bo’lgan eхtiyoj to’g’risida hisob-kitoblarni taqdim etishi shart.

Fond oraliq tugatish balansini olgan kundan boshlab uch kunlik muddat ichida fuqarolarning omonatlari bo’yicha haq to’lash tartibi, muddatlari va to’lov amalga oshiriladigan agеnt-bankning nomi to’g’risidagi хabarni ommaviy aхborot vositalarida e’lon qiladi.

Fuqarolarning banklardagi omonatlarini kafolatlash fondi to‘g‘risida NIZOM ga sharx

6. Fondning mol-mulki banklarning majburiy badallari, mablag‘lar qo‘yishdan olingan daromadlar, shuningdek qonun hujjatlariga muvofiq boshqa tushumlar hisobiga shakllantiriladi.

7. Biryo‘la to‘lanadigan va kalendar badallar banklarning Fondga to‘laydigan majburiy badallari hisoblanadi.

Bankning Fondga biryo‘la to‘laydigan badali bankning amalda shakllangan ustav sarmoyasi miqdorining 0,1 foizini tashkil etadi.

Kalendar badal banklar tomonidan yilning har choragida Fondga o‘tkaziladigan pul mablag‘laridan iborat bo‘ladi. Kalendar badallarning miqdori "Fuqarolarning banklardagi omonatlarini himoyalash kafolatlari to‘g‘risida"gi O‘zbekiston Respublikasi Qonuniga muvofiq kafolatlanishi lozim bo‘lgan fuqarolar omonatlarining amaldagi qoldig‘iga qarab yil choragi uchun Fondning kuzatuv kengashi tomonidan belgilangan miqdorda belgilanadi, biroq u omonatlar umumiy summasining 0,5 foizidan ko‘p bo‘lmasligi kerak.

8. To‘langan kalendar badallar summasi bankdagi omonatlar qoldiqlari umumiy summasining 5 foiziga yetganda banklar tomonidan kalendar badallarni to‘lash to‘xtatiladi. Fuqarolarning bankdagi omonatlari qoldiqlari umumiy summasi o‘zgarganda, Fondga to‘langan kalendar badallarining summasi qayta hisoblab chiqilishi kerak.