Toshkent moliya instituti "bank hisobi va audit" kafedrasi

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


ТОШКЕНТ МОЛИЯ ИНСТИТУТИ

Рўйхатга олинди: № БД – 5230200-3.10 201__ йил “__”______

Олий ва ўрта махсус таълим вазирлиги ______________________ 201___ йил “_____”______

ПУЛ ВА БАНКЛАР


ФАН ДАСТУРИ

Билим соҳаси:	200 000	– Ижтимоий соҳа, иқтисод ва ҳуқуқ
Таълим соҳаси:	230 000	– Иқтисод
Таълим йўналишлари:	5231500	– Баҳолаш иши
	5230200	– Менежмент (тармоқ ва сохалар бўйича)

Тошкент – 201_
Ўзбекистон Республикаси Олий ва ўрта махсус таълим вазирлигининг 201__ йил “___” _____даги ______ - сон буйруғининг ___-иловаси билан фан дастури.
Фан дастури Олий ва ўрта махсус, касб-ҳунар таълими йўналишлари бўйича Ўқув-услубий бирлашмалар фаолиятини Мувофиқлаштирувчи Кенгашнинг 201__ йил “___”_________ даги ____ -сон баённомаси билан маъқулланган.
Фан дастури Тошкент молия институтида ишлаб чиқилди.

Тузувчилар:	Қуллиев И.Я.	- АТ Халқбанки департ амент директори ўринбосари, и.ф.н.(кадрлар буюртмачиси)
	Омонов А.А.	-ТМИ “Банк иши” кафедраси мудири, проф, и.ф.д..(таянч ОТМдан)
	Ғаниева У.А.	-ТМИ “Банк хисоби ва аудит” кафедраси катта ўқитувчиси.(таянч ОТМдан)
	Жўраев И.И.	-ТМИ “Банк иши” кафедраси катта ўқитувчиси.(таянч ОТМдан)
Тақризчилар:	Саломов.И.Т	Туронбанк АТБ ходимлар билан ишлаш департаменти директори,и.ф.н (кадрлар буюртмачиси)
	Тоймухаммедов.И	–ТДИУ, “Банк иши” кафедраси доценти, (турдош ОТМдан)

Фан дастури Тошкент молия институтининг Кенгашида кўриб чиқилган ва тавсия қилинган (201_ йил “___” ______________ даги “___” -сонли баённома).

I. ЎҚУВ ФАНИНИНГ ДОЛЗАРБЛИГИ ВА ОЛИЙ КАСБИЙ
ТАЪЛИМДАГИ ЎРНИ

Пул ва банклар узоқ муддатли ижтимоий ривожланишнинг натижаси бўлиб, замонавий цивилизациянинг муҳим ажралмас қисми ҳисобланади. Уларнинг амал қилиши ижтимоий маҳсулотни ишлаб чиқариш, тақсимлаш, айирбошлаш ва истеъмол қилиш жараёнларининг узлукцизлигини таъминлаш имконини беради. Шу сабабли, пул ва банкларни алоҳида фан сифатида ўрганиш зарурияти юзага келди. Зеро дунёнинг барча мамлакатларида иқтисодиётнинг самарали ўсиши банкларнинг молиявий барқарорлигини ошиши ҳамда тижорат банклари томонидан молиявий қўллаб-қувватлашга кўпдан боғлиқ бўлгани учун фаннинг олий малакали кадрларни тайёрлашда ўрни беқиёсдир.

Фанда пул ва банклар категорияларининг пайдо бўлиши ва уларнинг эволюцияси, пул назарияларининг моҳияти, асосчилари ва намоёндалари, пул айланмаси тушунчасининг моҳияти, пул муомаласи ва уни ташкил қилиш асослари, пул тизимининг мазмуни ва уни ташкил қилиш асослари, инфляция ва унинг юзага келиш сабаблари, кредит тушунчаси ва унинг зарурлиги, кредит муносабатлари юзага келишининг сабаблари ва шарт-шароитлари, банкларнинг дастлабки операциялари, Марказий банкларнинг юзага келиш сабаблари, мақсади ва ташкилий тузилиши, тижорат банклари фаолиятининг ташкилий асослари, тижорат банклари актив ва пассив операциялари, нобанк молия-кредит ташкилотлари ва улар фаолиятининг зарурлиги, кредит тизими ва унинг таркиби, валюта муносабатлари асослари ва халқаро молия институтлари фаолиятига доир ғоялар, атама ва тушунчалар, назарий қарашлар, концепция ва моделлар, тамойиллар, ёндашув, усул, услуб, йўсинлар ва шу каби бошқа атрибутларни тизимли ва комплекс равишда мужассамлаштирувчи илмий-назарий ва методологик асослар узвийлик ва узлуксизлик тамойиллари нуқтаи-назаридан мантиқий кетма-кетликда ўз аксини топган.
Пул ва банклар курси иқтисод ва молия йўналишлар учун энг асосий таянч фанлардан бири саналади. Курсни ўрганиш жараёнида пул муносабатларини иқтисодий асослаш, кредит ва тўлов тизимининг ташкилий ва иқтисодий асоси, банк фаолияти бўйича қарорларни иқтисодий ва ташкилий ўрганишнинг илғор шакллари ва усулларини ишлаб чиқиш, банк фаолиятини тартибга солувчи иқтисодий меъёрлар ҳисоб-китоби, уларни баҳолаш, ташкил қилиш ва таклифлар ишлаб чиқишда муҳим рол ўйнайди.
Шунга кўра, банк иши фаолиятида иш юритадиган мутахассисларга алоҳида талаблар қўйилади. Бу фан асосий ихтисослик фанларининг таянчи ҳисобланиб, иқтисодиёт бўғимининг ажралмас қисми ҳисобланган банк тизими ва иқтисод соҳасига кадрлар етказиб беришда муҳим рол ўйнайди