Toshkent moliya instituti baholash ishi va investitsiyalar kafedrasi

2. Daromadlar hisobiga investitsiyalar qoplanishi monitoringini olib borish. Loyiha samaradorligini baholash. Shartnomalarni yopish. Loyihadan chiqish.

1. Loyihani ishga tushirishga tayyorlash. Uskunalarni ishga tushirish, dastlabki sinovdan o’tkazish va uning ish sifatini nazorat qilish. Texnologiyalarni boshqarishga zaruriy kadrlarni ta’minlash, ularni tayyorlash va malakasini oshirish. Ishlab chiqarish jarayonini nazorat qilish.

Loyihani ishga tushirish ishlariga texnologiyalarni individual sinovdan o’tkazish va kompleks tekshirishga tayyorlash hamda ularni amalga oshirish jarayonida bajariladigan chora-tadbirlarni keltirish mumkin. Bunda texnologiya sifatida barcha texnologik tizim, ya’ni: loyihada ko’zda tutilgan mahsulotning birinchi partiyasini ishlab chiqarish yoki xizmatlar ko’rsatishni ta’minlovchi texnologiyalarning barcha turlari kompleksi, truba o’tkazgichlari, bino-inshootlar va qurilmalar ko’zda tutiladi.

Individual sinov davri o’z ichiga kompleks sinovdan o’tkazish uchun ishchi komissiyasi tomonidan qabul qilib olishga mashina, qurilma, agregat va inshootlarning alohida qismlarini tayyorlash maqsadida montaj va ishga tushirish ishlarini olib borishni qamrab oladi.

Individual sinovlar amalga oshirilishiga qadar elektrotexnik qurilmalar, avtomatlashtirilgan va tizimli boshqarish, sanitar-texnik va yuqori quvvatli uskunalar bo’yicha ishga tushirish-qabul qilish ishlari bajariladi.

Ishga qabul qilish ishlari tugallangan qurilish ob’ektlarini ekspluatatsiyaga qabul qilishni bajarish hajmi va shartlari tarmoq qoida va me’yorlari bilan belgilanadi.

Ekspluatatsiyali sinashni o’tkazishdan maqsad – aniq ma’lumotlarni ifodalovchi natijaviy daraja qilingan ishlarni loyiha bo’yicha olish hisoblanadi.

Ekspluatatsiyali sinashni o’tkazish jarayonida texnologiyalarning to’g’ri yoki noto’g’ri tanlanganligi, jihozlar ishlash to’g’risida tavsiyanoma yoki yuriqnoma beriladi.

Ekspluatatsiyali sinash o’z ichiga quyidagilarni oladi:

- Haqiqiy va rejalashtirilgan ko’rsatkichlarni yo’llarini oshirilishi yoki farqlanishi;

- Ekspluatatsiyali sinash loyiha to’g’risida tavsiya bilan rejalashtirilgan ko’rsatkichlarni qiyoslash;

- Farqlanish sabablarini aniqlash;

- Yarim tayyor farqlanish aniqlanganda tadbir o’tkazish;

-Yarim tayyorni to’liq tayyorlash ishlarini tashkil etish.