Toshkent kimyo-texnologiya instituti

Ish  harakati  usullarini  namoyish  qilish  metodi.  Bu  metodini  qo‘llashdan 
maqsad talabalar ongiga ish harakatining aniq ko‘rish tarzini yaratishdir. 
Ish  harakatining  aniq  va  to‘liq  tarzi  talabalar  ongiga  bir  lahzada  yuzaga 
kelmaydi.  Avval  u  umumiy  ko‘rinishda  taassurot  qoldiradi.  So‘ngra  asta-sekin 
faoliyatlar  bo‘yicha  aniqlanadi.  Ish  usullari  namoyishini  qabul  qila  borib  talabalar 
nafaqat tushunishlari, balki usta tomonidan ularga ko‘rsatilayotgan barcha usullarni 
alohida  faoliyatlar  bo‘yicha  yodda  saqlab  qolishlari  kerak.  Shuning  uchun  ish 
usullari namoyishini takrorlash, ya’ni bir necha marta amalga oshirish lozim. 
Mashq  -  ko‘nikma  va  mahoratlarning  tashkil  etuvchilari  bo‘lganligi  kabi 
ishlab  chiqarish  ta’limining  ham  asosiy  usuli  bo‘lib  hisoblangan  mashqlar  bilan 
shakllanadi.  Mashq  deganda  ongli  ravishda  ma’lum  bir  faoliyat  usuli  bo‘yicha 
amaliy  harakatlarni  ko‘p  martalab  takrorlash  tushuniladi.  Mashqlarni  mazmuni  va 
o‘tkazish usullari xususiyatlariga qarab guruhlarga ajratish mumkin. Mashqlar ikki 
xil yondashuv – asosida tuzilishi mumkin. Birinchisiga didaktik maksadlar bo‘yicha 
ko‘nikmalarni  shakllantirishga  yo‘naltirilgan  mashqlar;  boshlang‘ich  mahoratni  va 
murakkab  mahorat  shakllantirishga  yo‘naltirilgan  mashqlar  kiradi.  Ikkinchisiga 
mazmun  bo‘yicha:  ish  usullarini  bajarishda  yo‘naltirilgan  mashqlar;  ish 
jarayonlarini  bajarishda  yo‘naltirilgan;  texnologik  jarayonlarni  boshqarishga 
yo‘naltirilgan  mashqlar  kiradi.  Ishlab  chikarish  ta’limi  jarayonida  talabalarning 
kasbiy  mahoratini  shakllantirish  maqsadida  ketma-ket  murakkablashib  boruvchi 
mashqlar tizimi ishlab chiqilishi lozim.