Toshkent kimyo-texnologiya instituti

 
NAZORAT SAVOLLARI 
1.  Ishlab chiqarish ta’limi nima? 
2.  Boshlang‘ich ko‘rsatma 
3.  Joriy ko‘rsatma 
4.  Maxsus tajriba maydonlarda ishlab chiqarish darsini tushuntiring. 
5.  Ishlab chiqarish amaliyoti. 
6.  Ish o‘rni qoidalarini sanab bering. 
 

---

KASBIY TA’LIM METODIKASI 
 
213
 
9-MAVZU: ISHLAB CHIQARISH TA’LIMI METODLARI  
Reja: 
1. Ishlab chiqarish ta’limi metodlarining asosiy muammolari. 
2. Ishlab chiqarish ta’limi ustasi va uning vazifalari. 
3. Ishlab chiqarish ta’limi ustasi faoliyatini loyihalash. 
 
 
  
 
Zamonaviy 
sharoitda  bozor  iqtisodiyoti  yuksak  kasb  mahoratga  ega  bo‘lgan  mutaxassislarni 
tayyorlashni  talab  etadi.  Bu  esa  kasb  ta’limi  muassasalari  oldiga  yuqori  malakali 
kadrlarni  tayyorlash,  ularda  mehnatga  ijodiy  munosabatni  tarkib  toptirish  uchun 
ishlab chiqarish ta’limini tubdan yaxshilash vazifasini qo‘yadi. 
Ishlab chiqarish ta’limi xususiyatlari. Kasb-hunar  ta’limi  o‘quv 
muassasalarida  o‘quv  jarayonining  ishlab  chiqarish  ta’limi  tashkil  etuvchi  qismi 
hisoblanadi. SHu bilan birga ishlab chiqarish ta’limi maqsadi, mazmuni, shakli va 
usullari  bilan  o‘ziga  xos  xususiyatga  xam  ega.  Ishlab  chiqarish  ta’limining  asosiy 
maqsadi  talabalarda  ma’lum  kasb,  mutaxassislik  sohasi  bo‘yicha  kasbiy 
mahoratning  shakllanishi  hisoblanadi.  «Kasbiy  mahorat»  tushunchasi  mohiyatini 
ochib beruvchi quyidagi ko‘rsatkich-mezonlarni ajratib ko‘rsatamiz: 
- ishni bajarish sifati – texnik  talablarning  ish  natijalari  bo‘yicha  bajaralishi; 
uning o‘rnatilgan ko‘rsatkich va me’yorlarga mos kelishi; ijobiy natijalarni olish; 
- mehnat unumdorligi – o‘rnatilgan  vaqt  me’yorlarining  bajarilishi;  mehnatni 
tashkil  qilish  va  ishni  bajarishning  eng  tejamli  va  unumli  usullarini,  yuqori 
unumdorlikka  ega  bo‘lgan  texnika  va  texnologiyani  o‘zlashtirishga  va  bo‘lgan 
intilishni aniqlab beruvchi vaqt mezonini baholash qobiliyati va mahorati; 
- kasbiy mustaqillik – mehnatning yuqori sifati va unumdorligini ta’minlovchi 
ish  usulini  mustaqil  tanlash  mahorati;  ishlab  chiqarish  vaziyatlarida  muammolarni 
mustaqil  hal  qilish,  to‘g‘ri  qaror  qabul  qilish  qobiliyati;  ishda  o‘z-o‘zini  nazorat 
qilish va boshqarishni amalga oshirish; 
- mehnat madaniyati – o‘z  mehnatini  rejalashtirish  qobiliyati  va  odati; 
mehnatning maqbul usul va uslublari, zamonaviy texnika va texnologiyani qo‘llash 
bilan  ishlay  olish  maxorati;  ish  faoliyatida  kasbiy  bilimni  qo‘llash  maxorati;  ish 
o‘rni va mexnatni to‘g‘ri tashkil qilish, mexnat xavfsizligi qoidalariga rioya qilish; 
-mexnatga bo‘lgan munosabat – mexnatni  tashkil  etishni  va  usullarni 
takomillashtirish, ish jarayoniga yangi asl nusxadagi mexnat qurolini joriy qilishga 
intilish  va  etakchilik  qobiliyati,  ilmiy  yechimlar  va  ixtirolarni  topishga  bo‘lgan 
intilish va qobiliyat;