Тошкент кимё-технология институти ҳузуридаги илмий даражалар берувчи dsc 27

Тадқиқотнинг республика фан ва технологиялари ривожланишини устувор йўналишларига боғлиқлиги. Мазкур тадқиқот республика фан ва технологиялар тараққиётининг V. «Қишлоқ хўжалиги, биотехнология, экология ва атроф-муҳит муҳофазаси» устувор йўналишларига мувофиқ бажарилган.
Муаммонинг ўрганилганлик даражаси. Ўсимлик хомашёларини қайта ишлаш бўйича Э.Г. Африкян, Ю.Р. Акопян, М.Г. Холявка, М.Н.Назаренко, Д.А. Рахимов, С.Х.Абдураззакова, З.Р.Ахмедова, У.Б.Джаникулова каби етакчи олимлар томонидан илмий-тадқиқот ишлари олиб борилган.
Топинамбур ўсимлигини қайта ишлаш технологияларини яратиш бўйича илмий-тадқиқот ишлари натижасида инулинли экстракт ҳамда ушбу моддага бой препаратлар олинган, уларни тозалаш ишлари амалга оширилган. Шунингдек, топинамбур экстрактидаги турли микроорганизмлар томонидан ажратилган инулиназа ферменти таъсирида инулинни гидролизлаш, фруктозали сироп олиш ва салқин ичимликлар, сут маҳсулотлари ишлаб чиқариш бўйича эришилган натижалар ишлаб чиқаришда татбиқ қилинмоқда.
Янги рецепт ва кенг ассортиментдаги, керакли шаклдаги, янги физик-кимёвий хоссаларга эга маҳсулот олиш имконини берувчи физикавий, иссиқлик, экструзион, мембрана технологиялари, биотехнология асосида кўрсатилган таъсирдан технологик жараённи жадаллаштиришда фойдаланиш, фруктозали сироп олиш ва ушбу сиропдан озиқ-овқат маҳсулотлари ишлаб чиқаришда сахароза ўринбосари сифатида қўллаш технологияларини яратиш, ишлаб чиқариш жараёнлари такомиллаштирилган, кристалл қанддан воз кечиб, фруктозали сиропдан фойдаланиш натижасида тайёр маҳсулотнинг парҳезбоп хусусиятларини ошириш талаб қилинади.
Диссертация мавзусининг диссертация бажарилган олий таълим муассасасининг илмий-тадқиқот ишлари билан боғлиқлиги. Диссертация тадқиқоти Тошкент кимё-технология институти илмий-тадқиқот ишлари режасининг ИТД-5-065 «Кимёвий ва озиқ-овқат маҳсулотлари ишлаб чиқариш учун ресурсларни тежовчи, экологик хавфсиз технологияларни ишлаб чиқиш», ИТД-9-20 «Гўшт саноати учун маҳаллий хомашёдан экологик тоза, янги турдаги биологик фаол қўшимчаларни ишлаб чиқариш технологиясини ишлаб чиқиш» (2012-2014 йй), ОТ-А12-20 «Ўсимлик хомашёсини қайта ишлашдаги чиқитлардан биологик фаол қўшимчаларни комплекс олиш технологиясини такомиллаштириш» (2017-2018) лойиҳалари доирасида бажарилди.