Тошкент кимё-технология институти органик кимё фанидан амалий машгулотлар буйича услубий кулланма

8-Амалий машгулот
Мавзу: УГЛЕВОДОРОДЛАРНИНГ ГАЛОГЕНЛИ
ҲОСИЛАЛАРИ
Машгулот режаси:

1. 
   Тўйинган углеводородларнинг галогенли ҳосилалари (галогеналканлар)
   
2. 
   Физик ва кимёвий хоссалари
   
3. 
   Айрим вакиллари
   
4. 
   Дигалогенли ҳосилалар
   
5. 
   Полигалогенли ҳосилалар
   
6. 
   Тўйинмаган углеводородларнинг галогенли ҳосилалари
   
7. 
   Ароматик углеводородларнинг галогенли ҳосилалари
   

Туйинган углеводородларнинг бир галогенли хосилалари
Тўйинган углеводородларнинг бир галогенли ҳосилаларини галоген алкиллар деб аталади ва қуйидаги умумий формула билан ифодаланади С_nH_2n+1X.
Бу ерда X = -F; -Cl; -J; -Br бўлиши мумкин. Галоген атомининг қандай углерод атоми билан боғланганлигига қараб улар бирламчи, иккиламчи ва учламчи галоид алкилларга бўлинадилар:


- бирламчи;

-иккиламчи;

-учламчи.

Изомерияси ва номланиши. Эмперик номенклатура бўйича галоген алкилларнинг номини молекуладаги углерод радикали номига галоген номини қўшиб ҳосил қилинади. Систематик номенклатура бўйича эса галогеннинг углерод узун занжиридаги жойини рақамлар билан кўрсатилиб, тўйинган углеводороднинг номи ўқилади:



Олиниш усуллари.
1. Тўйинган углеводородларни ёруғлик таъсирида галогенлаб галоген алкилларни олиш саноатда катта аҳамиятга эга. Бу усулни биз олдинги бобда кўриб чиққан эдик:

2. Этилен углеводородларига галоид водородларни бириктириб, галоген алкиллар олиш.
3. Галоген алкилларни тўйинган бир атомли спиртлардаги гидроксил гуруҳини галогенга алмаштириб олиш мумкин. Бунда спиртларга галоид водородлар, фосфорнинг галогенли бирикмалари ёки тионил хлорид билан таъсир эттирилади:
а) галоид водородлар таъсири:

ёки

б) фосфорни галогенли ҳосилаларнинг таъсири:

в) спиртлардан галоген алкиллар олишда энг қулай усул уларга тионил хлорид билан таъсир этиш ҳисобланади:

Учламчи спиртлардаги гидроксил гуруҳи галогенга жуда осонлик билан алмашинади. Бирламчи спиртлардан галоген алкиллар олишда катализаторлар ишлатилади.(ZnCl₂, H₂SO₄, …).
4. Фторли галоген алкилларни юқоридаги усуллар ёрдамида олиб бўлмайди. Уларни асосан углеводородларни хлорли, бромли ёки йодли ҳосилаларига симоб, кумуш, кобальт, сурма каби металларнинг фторидлари билан таъсир этиб олинади: