Тошкент кимё-технология институти органик кимё фанидан амалий машгулотлар буйича услубий кулланма

Назорат саволлари

1. 
   Микдорий тахлил нима?
   
2. 
   Микдорий тахлилнинг неча хил усуллари мавжуд?
   
3. 
   Макроанализ учун канча гр модда олинади?
   
4. 
   Ярим микроанализ ва микроанализ учун канча модда текширилади?
   
5. 
   Ультромикроанализ усули нима?
   
6. 
   С ва Н микдори кандай усуллар билан аникланади?
   
7. 
   Азотни аниклаш усулларини курсатинг?
   
8. 
   Моддаларнинг оддий формулалари кандай аникланади?
   
9. 
   Кимёвий усул билан моддаларнинг молекуляр формуласи кандай топилади?
   
10. 
    Моддаларнинг молекуляр огирлиги физик усул билан кандай аникланади?
    

2- Амалий машгулот
МАВЗУ: АЛКАНЛАР (туйинган углеводородлар)
Машгулот режаси:

1. 
   Алканларнинг гомологик катор, тузилиши, изомерияси
   
2. 
   Номенклатура
   
3. 
   Алканларни олиниш усуллари
   
4. 
   Алканларнинг физик ва кимёвий хоссалари
   
5. 
   Масала ечиш намуналари
   
6. 
   Машклар.
   

Углеводородлар- органик бирикмалар булиб, уларнинг молекулалари факат икки элемент атомидан - углерод ва водороддан ташкил топган. Углеводородлар бир- биридан углерод скелетининг тузилиши буйича фарк килади. Исталган углеводород молекуласидаги водород атоми жуфт сони ташкил килади.
Алканлар водородга энг бой углеводородлар хисобланади, уларни туйинган углеводородлар дейилади. Шунингдек, алканларни парафинлар ёки метан катори углеводородлар хам, дейилади.
1. Кўшни углерод атомлари билан боғланишга углероднинг фақат бир валентлиги сарфлаб қолганлари водород атомлари билан боғланган бирикмаларга тўйинган углеводородлар дейилади. Бунда углероднинг ҳамма атомлари sp³-гибридланган ҳолатда бўлади.
Тўйинган углеводородларнинг умумий формуласи С_nH_2n+2. Шу формулага мувофиқ келадиган туйинган углеводородлар куйидаги гомологик қаторни ҳосил қилади:
СН₄ - метан
С₂Н₆ - этан СН₃ – СН₃
С₃Н₈ - пропан СН₃ – СН₂ – СН₃
С₄Н₁₀ - бутан СН₃ – СН₂ – СН₂ – СН₃
С₅Н₁₂ - пентан СН₃ – СН₂ – СН₂ – СН₂ – СН₃
С₆Н₁₄ - гексан СН₃ – (СН₂)₄ – СН₃
С₇Н₁₆ - гептан СН₃ – (СН₂)₅ – СН₃
С₈Н₁₈ - октан СН₃ – (СН₂)₆ – СН₃
С₉Н₂₀ - нонан СН₃ – (СН₂)₇ – СН₃
С₁₀Н₂₂ - декан СН₃ – (СН₂)₈ – СН₃
С₁₁Н₂₄ - ундекан СН₃ – (СН₂)₉ – СН₃
С₁₂Н₂₆ - додекан СН₃ – (СН₂)₁₀ – СН₃
С₁₅Н₃₂ - пентадекан ва х.к.
Изомерияси ва номланиши. С_nH_2n+2 формулада 1,2 ва 3 га тенг бўлган углеводородлар учун фақат битта тузилиш формулалари мавжуд.

Буларнинг бошқа тузилиш формулалар йўқ.

Гомологик қаторнинг тўртинчи вакилидан бошлаб структура изомерияси ҳодисаси бошланади. С_nH_2n+2 (n = 4) таркибли углеводородларни икки хил кўринишда ёзиш мумкин:

Органик бирикмаларни номлашда энг қулай, замонавий номенклатура бу систематик номенклатурадир. Бу номенклатуранинг асосий принциплари 1892 йилда Женевада кимёғарлар съездида қабул қилинган. Кейинчалик бу номенклатурага 1957 ва 1965 йилларда амалий ва назарий кимё бўйича Ҳалқаро кимёғарлар иттифоқининг (ИЮПАК) Парижда бўлган съездларида қўшимчалар ва ўзгартиришлар киритилди.

Тўйинган углеводородларнинг дастлабки тўғри занжир ҳосил қилиб тузилган вакиллари – метан, этан, пропан ва бутан – эмперик номенклатура бўйича номланади. Углеводородларнинг кейинги вакилларининг номи углерод сонига тўғри келадиган рақамларнинг грекча ва лотинча номи охирига – ан қўшимчаси қўшиб ҳосил қилинади.
Тармоқланган тузилишга эга бўлган тўйинган углеводородларни систематик номенклатура бўйича номлаш учун углеводород қолдиқлари, яъни улардан битта водородни тортиб олиш натижасида ҳосил бўладиган қолдиқ – радикаллар номини билиш керак.
Радикаллар С_nH_2n+1 умумий формула билан ифодаланади ва R ҳарфи билан белгиланади. Радикаллар номини тегишли тўйинган углерод номи охиридаги – ан қўшимчасини – ил қўшимчаси билан алмаштириб ҳосил қилинади. Метан ва этандан фақат битта радикал ҳосил бўлади:
СН₄ – метан - СН₃ – метил
С₂Н₆ – этан - С₂Н₅ – этил