Тошкент кимё-технология институти «Информатика, автоматлаштириш ва бошқарув» кафедраси «ихтисосликка кириш»

5311000 – Технологик жараёнлар ва ишлаб чиқаришни автоматлаштириш ва бошқариш таълим йўналишининг умумий тавсифи

Йўналиш - Ўзбекистон узлуксиз таълим Давлат таълим стандартлари, олий таълимнинг Давлат таълим стандарти, олий таълим йўналишлари ва мутахассисликлари Классификаторига киритилган.
Таълимнинг кундузги ўқитиш шаклидаги муддати - 4 йил.
Академик даража - «Бакалавр»
Бакалавр:

• 
  касблар ва лавозимлар миллий классификаторига мувофиқ олий маълумотли шахс эгаллаши лозим бўлган лавозимлар бўйича мустақил фаолият кўрсатишга;
  
• 
  таълим йўналиши ҳамда турдош таълим йўналишларининг магистратура мутахассисликлари бўйича олий таълим олишни давом эттиришга;
  
• 
  кадрларни қайта тайёрлаш ва малака ошириш тизимида қўшимча касбий таълим олишга тайёрланган бўлиши шарт.
  

Ишлаб чиқаришни ва технологик жараёнларни автоматлаштириш ва бошқарув (кимё ва озиқ-овқат тармоқлари бўйича) таълим йўналиши бўйича бакалавр касбий фаолияти соҳалари ва объектларининг тавсифи
Таълим йўналишининг илм-фан ва хизматлар соҳасидаги ўрни
Ишлаб чиқаришни ва технологик жараёнларни автоматлаштириш ва бошқарув (кимё ва озиқ-овқат тармоқлари бўйича) таълим йўналиши - фан ва техника соҳасидаги йўналиш бўлиб, у ўз ичига фан ва техника соҳасидаги йўналиш бўлиб, у ўз ичига кимё ва озиқ-овқат саноати маҳсулотларини ишлаб чиқариш жараёнларини автоматлаштириш усуллари ва воситаларини ҳамда технологик жараёнларни автоматлаштирилган лойиҳалаш усуллари мажмуини олади.
Касбий фаолият объектлари
Ишлаб чиқаришни ва технологик жараёнларни автоматлаштириш ва бошқарув (кимё ва озиқ-овқат тармоқлари бўйича) таълим йўналиши бўйича бакалавр касбий фаолиятининг объектлари: кимё ва озиқ-овқат саноатининг қурилмалари, ускуналари, автоматлаштирилган тизимлари ва назорат қилиш ва бошқариш воситалари ҳамда уларнинг математик, ахборот, техник ва дастурий таъминоти; технологик жараёнлар ва ишлаб чиқаришнинг автоматлаштирилган тизимларини лойиҳалаш, ўрнатиш, созлаш ва ишлаштиш, техник хизмат кўрсатиш; кимё ва озиқ-овқат саноати технологик жараёнларини илмий тадқиқ қилиш, саноат синовларини ўтказиш, бошқариш ва назорат қилиш тизимларини лойиҳалаш хужжатлари.