Toshkent farmatsevtika instituti

Tayanch iboralar: autotrof, geterotrof, nitrifikatsiyalovchi, serobakteriyalar, obligat aeroblar, obligat anaeroblar, fakultativ anaeroblar, mikroaerofil, bakteriyalar, spiroxetalar, rikketsiyalar, xlamidiyalar, mikroplazmalar, aktinomitsetlar, zamburuglar, mikron, kapsula, peptidoglikan .

1. 
   Mikrobiologiya, virusologiya va immunologiya fani maqsadi va vazifalari
   

Mikroorganizmlar tabiatda juda ko‘p tarkalgan bo‘lib, ularni 3 mlrd. yil oldin aniqlashgan. Mikrobiologiya fani juda kichkina mikroorganizmlarni urganadigan fandir. Mikroorganizmlarning tabiatda keng tarqalishiga sabab, ularning tabiatda va odam hayotida ma'lum bir rol uynashidir.Mikroorganizmlarni o’rganish bilan mikrobiologiya fani shug’ullanadi (yunoncha mikros –kichik, bios –hayot, logos- ta’limot degan so’zllardan olingan). Bu fan mikroorganizmlarning tuzilishini, morfologiyasi va fiziologiyasini, hayot sikllari va sistematikasini,irsiyati va o’zgaruvchaligini, mikroorganizmlarning tashqi muhit hamda odam yoki hayvon organizmi bilan o’zaro munosabatlarini tekshiradi.

Mikroblarni urganish mikrobiologiyaning ko‘p qirrali masalalaridan biri bo‘lib, bu masalalarni faqat bir sohadagi mutaxassis echa olmaydi. Shuning uchun hozirgi vaqtda mikrobiologiyaning bir necha turlari mavjuddir.

1. 
   Meditsina mikrobiologiyasi;
   
2. 
   Texnik yoki sanoat mikrobiologiyasi;
   
3. 
   Qishloq xo’jaligi mikrobiologiyasi;
   
4. 
   Veterinar mikrobiologiya;
   
5. 
   Kosmik mikrobiologiya;
   
6. 
   Sanitariya mikrobiologiyasi.
   

Meditsina mikrobiologiyasi patogen va shartli patogen mikroblarning xossalarini, ularning kassalik qo‘zgatishdagi, ya'ni infektsion jarayondagi rolini, kassaliklarini laborotoriya diagnostikasini, oldini olish choralarini va boshqalarini kurib chiqadi. Meditsina mikrobiologiyasi o‘z navbatda virusologiya, immunologiya sanitar mikrobiologiya, parazitologiya, mikologiya kabi bo‘limlarga bo‘linadi.

Xar bir bo‘limda o’zlariga tegishli bo‘lgan muammolarini urganadilar. Mikrobiologiya, virusologiya va immunologiyaning muvoffaqiyatlaridan biri infektsion kasalliklarga qarshi kurash choralari aniqlanganligidir. Kasallikni o‘z vaqtida aniqlash, infektsiya manbaini zararsizlantirish, umumiy va maxsus profilaktika qilish, infektsion kasallikni xalqimiz orasida kamaytirishga va butunlay yo’q qiilshga olib keladi.