Toshkent farmatsevtika instituti dori turlari texnologiyasi kafedrasi biofarmatsiya

Yumshoq dori shakllaridan dori moddasining ajralib chiqishi 
Yumshoq  dori  shakllaridan  dori  moddasining  ajralib  chiqishini  baholashda  asosdan 
(masalan,  surtmalarda)  dori  vositasini  ajralib  chiqish  qobiliyati  asosida  aniqlanadi.  Bugungi 
kunda asoslardan dori vositasining ajralib chiqish tezligini  o‘rganadigan bir qator usullar ishlab 
chiqib  amaliyotga  taqdim  etilgan.  Bu  usullarning  hammasini  quyidagi  guruhlarga  bo‘lish 
mumkin: 
-  fizik-kimyoviy va mikrobiologik tadqiqotlarga asoslangan, in vitro tajribalari;  
-   tirik va ajratib olingan organizmlarda olib boriladigan biologik usul  
in vivo tajribalari;  
Ammo  biologik  usulda  doim  ham  aniqlash  sharoitlari  mavjud  emas,  shuning  uchun 
taqqosiy  tajribalarda  in  vitro  tajribalaridan  foydalaniladi.  Olingan  natijalarni  taqqoslash  uchun 
tajribalarda  doimiy  haroratni  ushlab  turish,  bir  xil  tajriba  muhitini,  dori  moddasining  bir  xil 
konsentratsiyasini, bir xil sharoitda tayyorlangan namunalardan foydalanish talab etiladi.