Toshkent farmasevtika instituti toksikologik kimyo kafedrasi

Chinligini aniqlash. 1. p-dimetilaminobenzaldegid bilan reaksiyasi. Siklodol n-dimetilaminobenzaldegidni konsentrlangan sulfat kislotadagi eritmasi bilan qizil-pushti rang hosil qiladi.
2. Marki reaktivi bilan reaksiyasi. Marki reaktivi ta’sirida och binafsha rangli modda hosil bo‘ladi.
3. Mandelin reaktivi bilan reaksiyasi. Siklodol Mandelin reaktivi ta’sirida och yashil rangli modda hosil qiladi.
4. YUpqa qatlam xromatografik aniqlash. KSK bilan qoplangan yoki “Silufol” plastinkasida tahlil o‘tkaziladi. Plastinkadan siklodol dog‘ini aniqlash uchun Dragendorf reaktiviga askorbin kislotasi qo‘shib purkalsa, qizil-qo‘ng‘ir dog‘ hosil bo‘ladi. Dog‘ standart modda bilan solishtirib aniqlanadi. Aniqlash chegarasi 5 mkg. Erituvchi sistemalari va Rf ko‘rsatkichlari quyidagicha a) dietilamin-dioksan (1:490) – Rf=0,50-0,52; b) dietilamin-N-butanol (1:240) – Rf=0,52-0,54
5. Gaz suyuqlik-xromatografik aniqlash. Sorbent xromaton N – Super, 3% metilsilikon yog‘i SP-2100, yoki 5% polimetilfenilsiloksan OV-17 shimdirilgan, ushlanish parametrlari bo‘yicha eritmadagi 2 mkg dimedrolni aniqlash mumkin.
6. UB-spektri bo‘yicha. Suvdagi va spirtdagi eritmasi 258 nm, 0,1 n HCI yoki 0,02 n H₂SO₄ dagi eritmalari 257 nm to‘lqin sohasida yuqori nur yutish ko‘rsatgichiga ega.
7. IQ-spektrida quyidagi yutilish chiziqlari 702, 756, 935, 973, 1196, 1206 sm^-1 kuzatiladi.