Тошкент фармацевтика институти

5.2. Inson ekologiyasi. 
Mintaqamizda  joylashgan  Orol  dengizining  qurishi  insoniyat  tarixidagi  eng  yirik 
ekologik fojealardan biridir.  
Orol dengizi – sayyoramizdagi eng qadimiy yopiq suv havzalaridan biri va u yirikligi 
jihatidan  dunyoda  to‗rtinchi  o‗rinda  bo‗lgan,  boy  tabiiy  zahiralari  bilan  mashhur  edi. 
Orolbo‗yi  mintaqasi  esa  biologik  jihatdan  boy  tabiiy  muhit  hisoblanardi.  1960  yilga  qadar 
Orol dengizi maydoni 68,9 ming kv. km ga teng edi, suv hajmi 1083 kub. km ni tashkil etardi. 
Orol  va  Orolbo‗yi  suv havzalarida 38 turdagi  baliq bo‗lib,  yiliga 30 ming tonnagacha baliq 
ovlangan. Orolbo‗yining keng hududlarida bir qator hayvon turlari  –  Buxoro kiyigi,  jayron, 
Ustyurt tog‗ echkisi va sayg‗oqlarning ko‗p sonli populyasiyasi mavjud edi. 
Bir paytlar Amudaryo deltasi florasi tarkibida 638 turdagi turli o‗simliklar mavjudligi 
ham ushbu mintaqaning naqadar boy bioxilma-xillikka ega bo‗lganidan yorqin dalolatdir.  
Bugun Orol dengizining hajmi 13 barobarga, maydoni 7 barobarga qisqardi. Suv sathi 
26m  ga  pasaydi,  suv  chegarasi  yuzlab  kilometrga  chekindi.  Suvning  sho‗rlanishi,  ya‘ni 
minerallashuvi g‗arbiy qismida 120 g/l ga, sharqiy qismida 280 g/l gacha etdi.  

---

Ekologik halokat oqibatlari Orol dengizi havzasida yashovchi millionlab odamlarning 
turmush  tarziga  salbiy  ta‘sir  o‗tkazdi.  Bugun  xalqaro  miqyosdagi  ekologik  muammolarning 
murakkab  majmui  Orol  fojiasida  o‗z  aksini  topdi.  Ochig‗i,  mintaqadagi  barcha  jarayon  va 
holatlar  global  iqlim  o‗zgarishi  sharoitida  yanada  keskin,  shiddatli  va  murakkablikda 
namoyon bo‗lmoqda.  
O‗zbekistonda  mavsumiy  qurg‗ochilikning  kuchayish  tendensiyasi  sezilarli  ko‗lam 
kasb etgan. Bu esa Orolning qurish jarayoni mintaqa iqlim sharoiti o‗zgarishiga salbiy ta‘sir 
o‗tkazayotganidan dalolat beradi. Orol fojiasi iqlim kontinentalligini keskinlashtirdi, natijada, 
yoz kunlari qurg‗oqchilik kuchayib, qishning sovuq kunlari esa aksincha uzaydi. Orolbo‗yida 
harorat 40°S dan yuqori bo‗ladigan kunlar soni 2 martaga ko‗paydi.  
Ma‘lumki, Markaziy Osiyo davlatlari aholisining suvga bo‗lgan talabi transchegaraviy 
daryolar - Amudaryo va Sirdaryo hisobiga qondiriladi. Mutaxassislarning bashorat qilishicha, 
iqlim  o‗zgarishi,  global  haroratning  oshishi  tufayli  Amudaryo  va  Sirdaryoning  suv  zahirasi 
manbai  bo‗lgan  muzliklar  2015  yilga  borib  15-20%  ga  kamayishi  kutilmoqda.  Bu  esa 
hududimizda  suv  ta‘minotining  20%  gacha  qisqarishiga  olib  kelishi  mumkin.  Tog‗ 
muzliklarining  hajmi  hozir  yiliga  0,2  dan  –  1  foizgacha  kamayib  borayotgani  fikrimiz 
isbotidir. 
Orol dengizining qurigan qismida maydoni taxminan 5,5 mln. ga bo‗lgan yangi cho‗l 
– Orolqum, oppoq tuz bilan qoplangan keng hududlar paydo bo‗ldi. Undan yuzlab kilometrga 
millionlab tonna tuz, chang va qumlarni tarqatuvchi dovullar ko‗tariladi. 
Tuz shleyflari 400 km dan oshadi, qumli va tuzli buxronlarning ta‘sir doirasi - 300 km 
gacha  etmoqda.  Har  yili  bu  erdan  atmosferaga  100  mln.  tonnagacha  qum  aralash  tuzli 
changlar  ko‗tariladi.  O‗tgan  asrning  80-yillari  boshidan  boshlab  bunday  dovullar  yiliga  90 
kundan ortiq vaqt davomida tez-tez sodir bo‗lmoqda.  
Orolbo‗yi  cho‗llanishi  er  resurslarining  degradatsiyasiga,  tabiiy  yaylovlar  va 
pichanzorlar sifatining yomonlashuviga sabab bo‗lmoqda, tuproqning sho‗rlanishi faollashib, 
u  yil sayin  yangidan-yangi  maydonlarni  qamrab  olmoqda. Antropogen  cho‗llanish  natijasida 
Orolbo‗yining  biologik  unumdorligi  10  barobarga  qisqardi.  Ko‗pgina  joylarda  er  va  erosti 
suvlarida  shu  qadar  ko‗p  tuz  to‗planganki,  bu  qishloq  xo‗jaligi  ekinlari  etishtirishni  qariyb 
imkonsiz qilib qo‗ymoqda.  
Bugun  shuni  afsus  bilan  ta‘kidlash  kerakki,  Orolbo‗yi  o‗simlik  va  hayvonot  dunyosi 
genofondining yarmidan ko‗p yo‗q bo‗lib ketdi.  
Ayni paytda, Janubiy Orolbo‗yida ko‗plab kichik ko‗llar sayozlashdi yoki qurib qoldi. 
Bu  esa,  o‗z  navbatida,  800  ming  gektar  maydondagi  mavjud  butazor  va  to‗qayzorlarning 
90%i,  ular  bilan  birga,  bu  erda  qo‗nim  topgan  jonivorlarning  yo‗qolishiga  olib  keldi.  Suv 
tanqisligi tufayli daryo bo‗yidagi o‗rmonlar, deltadagi yuzlab ko‗llar qurib qoldi.