Тошкент фармацевтика институти

Neft va gaz sanoati:  O'zbekistonning neft-gaz sanoati og'ir sanoatning ulkan 
tarmoqlaridan biri hisoblanib, respublika energetikasini birlamchi yonilg'i resurslari bilan 
93% ga ta'minlaydi. 
Mustaqillik davrida suyuq uglevodorodlarni qazib olish deyarli 3 barobarga ortdi, bu 
neftni import qilishdan to'la voz kechishni va res-publikada yoqilg'i mustaqilligini ta'minladi. 
Buxoro,  Qashqadaryo,  Surxondaryo  viloyatlarida  neft  va  gaz  qazib  olish  amalga 
oshirilyapti,  Qoraqalpog'iston  Respublikasi  hududidagi  Ustyurtda  gaz  konlarini  o'zlashtirish 
olib borilmoqda. 
Neft tarkibida oltingugurt birikmalarining miqdori ko'pligi (2,7% gacha) va tabiiy gaz 
va neftda toksik hamda zanglash-agressiv oltingugurt vodorodining aralashmalari mavjudligi 
respublikamiz  konlarini  ajratib  turuvchi  tabiiy  xususiyat  hisoblanadi,  .bu  dastlabki 
xomashyoni qayta ishlash texnologiyasini takomillashtirish zaruriyatini keltirib chiqarmoqda. 
Metallurgiya: Metallurgiya sanoati tashlamalariga barcha turg'un  manba-lardan  
atmosferaga tashlanadigan tashlamalar umumiy miqdorining taxminan 15%i to'g'ri keladi. 
Tabiatni  muhofaza  qilish  bo'yicha  o'tkazilayotgan  chora-tadbirlarga  qaramay, 
«OTMK» OAJ respublikada atmosfera havosini ifloslantiruvchi yirik manba bo'lib qolmoqda. 
Respublika bo'yicha barcha  turg'un manbalar tomonidan chiqarilayotgan chiqindilarning 12% 
va  oltingugurt  dioksidining  26%i  ushbu  tashkilot  hisobiga  to'g'ri  keladi.  2004-yilda 
atmosferaga ifloslantiruvchi moddalarni chiqarish hajmi 106,2 tonnani tashkil etdi. 
Ba'zi  yillarda,  Olmaliq  shahrida  atmosfera  havosini  oltingugurt  dioksidi  bilan 
ifloslantirish darajasi sanitariya-gigienik me'yorlardan 5 barobar oshgan.