Тошкент фармацевтика институти

Аудиторлик ташкилотининг ҳуқуқлари
Аудиторлик ташкилоти қуйидаги ҳуқуқларга эга бўлади:

аудиторлик текширувини ўтказиш тўғрисидан қарор қабул қилиш учун 
хўжалик юритувчи субъектнинг таъсис ҳужжатлари ҳамда бухгалтерия 
ҳисоби ва молиявий ҳисобот ҳужжатлари билан олдиндан танишиб чиқиш; 

аудиторлик текширувини ўтказиш вақтида: хўжалик юритувчи субъект 
томонидан молиявий-хўжалик фаолиятини амалга ошириш билан боғлиқ 
бўлган ҳужжатларини тўла ҳажмда олиш, ҳамда ушбу ҳужжатларда ҳисобга 
олинган ҳар қандай мулкнинг амалда мавжудлигини ва ҳар қандай 
мажбуриятларнинг амалдаги ҳолатини текшириш; 

хўжалик юритувчи субъектнинг моддий жавобгар шахсларидан аудиторлик 
текшируви давомида пайдо бўлган саволлар бўйича аудиторлик текшируви 
учун керакли бўлган оғзаки ва ѐзма тушунтиришлар, қўшимча маълумотлар 
олиш;

---

247 

хўжалик юритувчи субъектдан учинчи шахслардан олинган 
маълумотларнинг ѐзма тасдиғини олиш; 

хўжалик юритувчи субъект томонидан ҳаққоний аудиторлик хулосасини 
тузиш учун керакли барча маълумотлар тақдим этилмаган ҳолларда, 
аудиторлик текширувини ўтказишдан бош тортиш;

аудиторлик текширувини ўтказишда қатнашиш учун ўрнатилган тартибда 
аудиторлар ва бошқа мутахассисларни жалб қилиш.
Аудиторлик ташкилоти қонунчиликка мувофиқ бошқа ҳуқуқларга ҳам 
эга бўлиши мумкин. 
Аудиторлик ташкилотининг мажбуриятлари
Аудиторлик ташкилоти фақат аудиторлик фаолияти билан 
шуғулланиши мумкин ва у қуйидаги мажбуриятларга эга:

аудиторлик фаолиятини амалга оширишда қонунлар ва бошқа қонунчилик 
ҳужжатлари талабларига риоя қилиш;

аудиторлик текширувини ўтказиш учун шартномани тузишдан олдин 
буюртмачининг талаби бўйича аудиторлик фаолиятини амалга ошириш 
юзасидан тегишли лицензияни, аудиторнинг (аудиторларнинг) малакавий 
сертфикатини тақдим этиш;

хўжалик юритувчи субъектнинг сўрови бўйича аудиторлик текшируви 
бўйича қонунчиликнинг талаблари, аудиторнинг эътирозларига асос бўлган
қонунчилик ҳужжатларининг меъѐрлари ҳақида ахборот тақдим этиш; 

аудиторлик текширувини ўтказиш вақтида олинган маълумотларнинг 
махфийлигини сақлаш; 

аудиторлик ҳисоботида молиявий-хўжалик муомалаларида қонунчиликни 
бузиш холатларини акс эттириш ва уларни бартараф этиш бўйича 
таклифлар бериш; 

хўжалик юритувчи субъектга унинг мансабдор шахслари ва бошқа 
ходимлари томонидан зарар етказилганлиги ҳақида яққол далолат берувчи 
ҳолатлар аниқланганда, бу ҳақда хўжалик юритувчи субъектнинг 
раҳбариятига (мулкдорга) маълум қилиш ва аудиторлик ҳисоботига 
тегишли ѐзувни киритиш. Зарур ҳолларда, аудиторлик текшируви 
натижаларини маълум қилиш учун қонунчилик билан ўрнатилган тартибда 
иштирокчиларнинг (акциядорларнинг) умумий йиғилиши чақирилишини 
талаб қилиш. Аудиторлик ташкилоти қонунчиликка мувофиқ бошқа 
мажбуриятларга ҳам эга бўлиши мумкин.