Toshkent davlat yuridik universitetining akademik halollik va tadqiqot etikasi kodeksi

Tadqiqot 
–
 
umumlashtirish mumkin boʻlgan bilimlarni yaratish yoki 
mavjud shunday bilimlarga hissa qoʻshishga qaratilgan tizimli oʻrganish, shu 
jumladan, tadqiqotlarni ishlab chiqish, sinovdan oʻtkazish va baholashdan 
iborat jarayon.
 
Tadqiqot etikasi
– talabalar, tadqiqotchilar, professor-oʻqituvchilarning 
tadqiqot faoliyatining barcha shakllarida halollik, shaxsiy masʼuliyat, ochiqlik 
va boshqalarning huquqlarini hurmat qilish, professional yondashuv, 
akademik obroʻni saqlash va boshqa umumeʼtirof etilgan etika qoidalari va 
tamoyillarining majmui. 
Huquqiy tadqiqot
– tadqiqotchi tomonidan oʻrganilayotgan mavzuga 
oid huquqiy nazariyalar, qarashlar, yondashuvlar, qonunchilik hujjatlari, sud 
amaliyoti va shu kabi jihatlarni aniqlash hamda tahlil qilish jarayonidir, keng 
maʼnoda – huquq olami hamda huquq tartibga solishi kutilgan soha oʻrtasidagi 
oʻzaro munosabatlarni oʻrganish jarayonidir. 

---

4 
Huquqiy tadqiqot doirasi 
– tadqiqot amalga oshiriladigan 
chegaralarni, yaʼni tadqiqotda koʻrib chiqiladigan barcha jihatlar qamrovini 
bildiradi. Shuningdek, huquqiy tadqiqot doirasida aynan qaysi jihatlar tadqiqot 
tomonidan qamrab olinmasligini ham qayd etish muhimdir.
 
Huquqiy tadqiqot maqsadi
quyidagilarni oʻz ichiga olishi mumkin: 
huquqiy nazariyalarni tadqiq etish, tizimlashtirish va joriy etish imkonini 
oʻrganish; 
yangi huquqiy konsepsiya va nazariyalarni taklif etish; 
turli yondashuvlar orqali qonunchilikni oʻrganish va baholash;
qonunchilik yutuqlarini va kamchiliklarini, undagi huquqiy boʻshliqlarni 
oʻrganish hamda takomillashtirish; 
qonunchilik hujjatlarining jamiyatga taʼsirini tahlil etish, baholash va 
prognoz qilish; 
qonunchilik hujjatlarini tanqidiy sharhlash va autentik tarjima qilish; 
qonunchilik hujjatlarini ishlab chiqish va joriy etishda sabab-natija 
aloqadorligini oʻrganish; 
muayyan munosabatga qaysi huquq normasini qoʻllash boʻyicha takliflar 
ishlab chiqish; 
qonunchilik hujjatlarining moslashuvchanligi, barqarorligi va mantiqiy 
izchilligini aniqlash; 
qonunchilik hujjatlarini ishlab chiqish jarayoniga taʼsir koʻrsatadigan 
ijtimoiy omillarni tahlil etish (huquqning ijtimoiy auditi); 
tahliliy, tarixiy va qiyosiy-huquqiy tadqiqot natijalariga asosan 
qonunchilikni isloh qilish boʻyicha chora-tadbirlar taklif etish.