Toshkent davlat yuridik universitetining akademik halollik va tadqiqot etikasi kodeksi

---

Toshkent davlat yuridik universiteti 
Kengashining 2022-yil 30-iyundagi 7-son 
majlis bayonnomasiga 1-ilova
 
 
 
 
 
 
 
 
 
 
 
 
 
 
 
 
 
TOSHKENT DAVLAT YURIDIK UNIVERSITETINING
AKADEMIK HALOLLIK VA TADQIQOT ETIKASI KODEKSI
 
 
 
 
 
 
 
 
 
 
 
 
Toshkent–2022
 
 

---

2 
KIRISH 
Akademik halollik va tadqiqot etikasi milliy yuridik taʼlimning 
samaradorligini oshirish, yuqori malakali yuridik kadrlarni tayyorlash va 
mamlakatda yuridik fanni rivojlantirishning asosiy ustunlari hisoblanadi. 
Toshkent davlat yuridik universiteti (keyingi oʻrinlarda – universitet deb 
yuritiladi) akademik halollik va tadqiqot etikasi boʻyicha xalqaro tan olingan 
standartlarni eʼtirof etadi. Universitet mazkur standartlarni joriy qilish 
maqsadida oʻz faoliyatida akademik halollik va tadqiqot etikasi qoidalariga 
qatʼiy rioya qilishni yuridik kadrlar tayyorlash hamda ilm-fanni 
rivojlantirishning ustuvor vazifasi etib belgilaydi. 
Toshkent davlat yuridik universitetining Akademik halollik va tadqiqot 
etikasi kodeksi (keyingi oʻrinlarda – Kodeks deb yuritiladi) bilan belgilab 
berilayotgan qoidalarga rioya qilish uchun asosiy masʼuliyat har bir talaba, 
professor-oʻqituvchi va xodim zimmasiga yuklatiladi. Bunda universitetning 
har bir aʼzosi boshqalarning huquqlarini hurmat qilish kabi fazilatlarni 
namoyon etishlari zarur. 
Mazkur Kodeks va uning asosiy qoidalari universitetning oʻquv va ilmiy 
faoliyatida akademik halollik hamda tadqiqot etikasining umumqabul qilingan 
standartlarini joriy qilishga qaratilgan boʻlib, ushbu sohadagi uchta muhim 
vazifani amalga oshirishni belgilaydi: 
1)
akademik halollik va tadqiqot etikasiga daxldor axloqiy qoidalarni 
oʻrnatish hamda noaxloqiy xatti-harakatlarni oldini olish; 
2)
Universitet talabalari va xodimlarida plagiat (koʻchirmachilik)ga 
murosasiz munosabatda boʻlish kayfiyatini shakllantirish hamda akademik 
halollikni keng targʻib qilish; 
3)
akademik halollik va tadqiqot etikasi sohasida talabalar va xodimlar 
uchun mos boʻlgan axloqiy xususiyatlarni shakllantirish. 
Ushbu Kodeks talablari oʻquv va ilmiy-tadqiqot jarayonining barcha 
ishtirokchilari hamda boshqalarning ijodiy mehnati natijalariga hurmat bilan 
munosabatda boʻlish kayfiyatini shakllantirishga, ilmiy faoliyat natijalarini 
intellektual mulk sifatida tan olishga va unga nisbatan munosib munosabatni 
ragʻbatlantirish maqsadida ishlab chiqilgan.