Toshkent davlat yuridik universiteti

Rejali tekshirish – 
tadbirkorlik subyektlarining faoliyatini maxsus vakolatli 
organ tomonidan tasdiqlagan tekshirishlar reja-jadvaliga asosan o‘tkaziladigan 
tekshirishdir. 
Tadbirkorlik subyektlarining faoliyatini tekshirish maxsus vakolatli 
organning qaroriga binoan rejali tartibda ko‘pi bilan yiliga bir marta 
amalga oshirilishi mumkin. 
Belgilangan normalar va qoidalarga o‘z vaqtida hamda to‘la hajmda 
rioya etuvchi tadbirkorlik subyektlarining faoliyatini tekshirish nazorat 
qiluvchi organlar tomonidan 
ko‘pi bilan ikki yilda bir marta
amalga 
oshiriladi. 
Xususiy korxonalar faoliyatini tekshirish nazorat qiluvchi organlar 
tomonidan ko‘pi bilan 
ikki yilda bir marta
belgilangan tartibda amalga 
oshirilishi mumkin. 
Kichik tadbirkorlik subyektlari va fermer xo‘jaliklarining moliya-
xo‘jalik faoliyatini rejali tekshirish ko‘pi bilan 
to‘rt yilda bir marta
, 
boshqa tadbirkorlik subyektlarining moliya-xo‘jalik faoliyatini rejali 
tekshirish ko‘pi 
bilan uch yilda bir marta
amalga oshiriladi. 
Yangi tashkil etilgan kichik tadbirkorlik subyektlari va fermer 
xo‘jaliklarining moliya-xo‘jalik faoliyati ular davlat roʻyxatidan 
o‘tkazilgan paytdan e’tiboran dastlabki uch yil mobaynida rejali 
tekshirishlardan o‘tkazilmaydi. 
Aksiz to‘lanadigan tovarlar ishlab chiqaruvchi yangi tashkil etilgan 
kichik tadbirkorlik subyektlari va fermer xo‘jaliklarining moliya-xo‘jalik 
faoliyati, shuningdek, kichik tadbirkorlik subyektlari va fermer 
xo‘jaliklarining budjet hamda markazlashtirilgan mablag‘lar va 
resurslardan maqsadli foydalanish bilan bog‘liq moliya-xo‘jalik faoliyati 
ular davlat roʻyxatidan o‘tkazilgan paytdan e’tiboran dastlabki ikki yil 
mobaynida rejali tekshirishlardan o‘tkazilmaydi. 
Yuqorida qayd qilingan barcha rejali tekshirishlar agar tadbirkorlik 
subyektlarining moliya-xo‘jalik faoliyati soliqlar va boshqa majburiy 

---

148 
to‘lovlar moliya yili mobaynida muntazam ravishda to‘lanmagan taqdirda 
o‘tkazilishi mumkin. Aksincha, tadbirkorlik subyektlari soliqlar va 
majburiy to‘lovlarni o‘z vaqtida, to‘liq to‘lagan taqdirda rejali tekshirishlar 
o‘tkazilmasligi ham mumkin. 
Nazorat qiluvchi organ rejali tekshiruv o‘tkazishning boshlanishi 
haqida tekshiruvni o‘tkazish boshlanishidan kamida o‘ttiz kalendar kun 
oldin tadbirkorlik subyektini tekshiruvdan o‘tkazish muddatlari va 
predmetini ko‘rsatgan holda yozma shaklda xabardor qilishi shart.