Toshkent davlat yuridik universiteti

Statistika axborotlarini va boshqa axborotlarni tahlil qilish 
Tadbirkorlik subyektlari hisob va hisobotni qonun hujjatlariga 
muvofiq yuritadi. Hisobot tadbirkorlik subyektining xohishiga ko‘ra 
qog‘ozda va (yoki) elektron shaklda tayyorlanishi mumkin. Tadbirkorlik 
subyektlarining elektron shaklda taqdim etilgan hisoboti tadbirkorlik 
subyektining elektron raqamli imzosi bilan tasdiqlanadi. Davlat 
tadbirkorlik subyektlari tomonidan elektron shaklda hisob yuritilishini 
dasturiy ta’’minotni imtiyozli shartlarda yoki bepul tarqatish orqali 
rag‘batlantiradi. 
Kichik tadbirkorlik subyektlari faqat davlat statistika organlari va davlat soliq 
xizmati organlariga, yakka tartibdagi tadbirkorlar esa faqat davlat soliq xizmati 
organlariga belgilangan shakllarda hisobot taqdim etadi.
Davlat organlarining tadbirkorlik subyektlari uchun qonun hujjatlarida 
nazarda tutilmagan qo‘shimcha hisobot turlarini belgilashi man etiladi. 
Tadbirkorlik subyektlari faoliyatini tekshirish turlari 
Tadbirkorlik subyektlari faoliyatini tekshirish quyidagi turlarga 
ajratiladi: 1) rejali tekshirish; 2) rejadan tashqari qisqa muddatli tekshirish. 
Shuningdek, yakka tartibdagi tadbirkorlar faoliyatini tekshirish va 
tadbirkorlik subyektlarini ularning xo‘jalik faoliyatini taftish qilish bilan 

---

147 
bog‘liq bo‘lmagan holda tekshirishning o‘ziga xos jihatlari ham qonun 
hujjatlarida belgilangan. 
Tadbirkorlik subyektlarini ularning xo‘jalik faoliyatini taftish qilish 
bilan bog‘liq bo‘lmagan holda tekshirish tegishli nazorat qiluvchi 
(yong‘inga qarshi, sanitariya, veterinariya, energetika nazorati va boshqa) 
organlar tomonidan qoida tariqasida bir marta o‘tkaziladigan kompleks 
tekshiruv davomida amalga oshiriladi. Kompleks tekshiruvlar maxsus 
vakolatli organ tasdiqlagan rejalar asosida o‘tkaziladi.