Toshkent davlat yuridik universiteti

 
2.3. Nodavlat notijorat tashkilotlari 
Oʻzbekiston Respublikasining 1999-yil 14-apreldagi “Nodavlat 
notijorat tashkilotlari to‘g‘risida”gi 763-I son qonuniga
muvofiq nodavlat 
notijorat tashkiloti jismoniy yoki yuridik shaxs tomonidan ixtiyoriylik 
asosida tashkil etilgan, daromad (foyda) olishni o‘z faoliyatining asosiy 
maqsadi qilib olmagan hamda olingan daromadlar (foyda) o‘z qatnashchi 
(a’zo)lari o‘rtasida taqsimlamaydigan o‘zini o‘zi boshqarish tashkilotidir. 
Davlat nodavlat notijorat tashkilotlarining huquqlari va qonuniy 
manfaatlariga rioya etilishini ta’minlaydi, ularga ijtimoiy hayotda ishtirok 
etish uchun teng huquqiy imkoniyatlar yaratib beradi. 
Davlat organlari hamda mansabdor shaxslarining nodavlat notijorat 
tashkiloti faoliyatiga aralashishiga, xuddi shuningdek, nodavlat notijorat 
tashkilotining davlat organlari hamda mansabdor shaxslarining faoliyatiga 
aralashishiga yo‘l qo‘yilmaydi. 
Nodavlat notijorat tashkiloti qonun hujjatlariga muvofiq xalqaro 
nodavlat notijorat tashkilotlariga kirishi, ular bilan to‘g‘ridan to‘g‘ri 
xalqaro aloqalar o‘rnatishi, hamkorlik to‘g‘risida tegishli bitimlar tuzishi 
mumkin. 
Nodavlat notijorat tashkiloti – 
jismoniy va yuridik shaxslarning huquqlari va 
qonuniy manfaatlarini, boshqa demokratik qadriyatlarni himoya qilish, ijtimoiy, 
madaniy va ma’rifiy maqsadlarga erishish, ma’naviy va boshqa nomoddiy 
ehtiyojlarni qondirish, xayriya faoliyatini amalga oshirish uchun hamda boshqa 
ijtimoiy foydali maqsadlarda tuziladi.
 

---

65 
Nodavlat notijorat tashkilotining vakolatxonasi u turgan yerdan 
tashqarida joylashgan alohida bo‘linma bo‘lib, nodavlat notijorat 
tashkilotining manfaatlarini ifodalaydi va himoya qiladi. 
Nodavlat notijorat tashkilotining filiali u turgan yerdan tashqarida 
joylashgan alohida bo‘linma bo‘lib, uning barcha vazifalarini yoki 
vazifalarining bir qismini, shu jumladan, vakolatxona vazifalarini amalga 
oshiradi. 
Nodavlat notijorat tashkilotining vakolatxonalari va filiallari davlat 
roʻyxatidan o‘tkazilgan paytdan e’tiboran yuridik shaxs maqomiga ega 
bo‘lishi mumkin. 
Xalqaro hamda chet el nodavlat notijorat tashkilotlarining 
vakolatxonalari va filiallari yuridik shaxslardir. 
Nodavlat notijorat tashkilotlari jamoat birlashmasi, ijtimoiy fond, 
muassasa shaklida, shuningdek, qonunlarda nazarda tutilgan boshqa 
shaklda tashkil etilishi mumkin. 
Nodavlat notijorat tashkilotlari o‘z faoliyatini muvofiqlashtirib borish, 
shuningdek, umumiy manfaatlarini ifodalash hamda himoya qilish 
maqsadida uyushma (ittifoq)lar shaklida birlashmalar tuzishi mumkin. 
Jamoat birlashmasi qatnashchilari mazkur birlashmaga mulk qilib 
bergan mol-mulklariga, shu jumladan, a’zolik badallariga bo‘lgan 
huquqlarini saqlab qolmaydi. Ular a’zo sifatida qatnashayotgan jamoat 
birlashmasining majburiyatlari boʻyicha, mazkur birlashma esa o‘z 
a’zolarining majburiyatlari boʻyicha javob bermaydi. 
Jamoat fondiga uning muassislari (muassisi) yoki vasiyat qiluvchi 
tomonidan o‘tkazilgan mol-mulk fondning mulkidir. Fond muassislari 
(muassisi) yoki fond vasiyatnoma boʻyicha tashkil etilganida