Toshkent davlat yuridik universiteti

–
 
agarda belgilangan bir yil muddat ichida ustav kapitali muassislar 
tomonidan to‘liq shakllantirilmagan bo‘lsa, jamiyat o‘z ustav fondini 
kamaytirishni e’lon qilishi yoki o‘zini tugatishi lozim; 
–
 
mas’uliyati cheklangan jamiyatning ustav fondini oshirish uchun 
uning ishtirokchilari o‘z ulushlarini to‘liq ravishda qo‘shgan bo‘lishlari 
lozim; 
–
 
jamiyat roʻyxatga olingandan so‘ng ikkinchi va undan keyingi 
moliya yillarda uning asosiy aktivlarining qiymati ustav kapitali 
miqdoridan kamayib ketsa, jamiyat ustav kapitalining kamaytirilishini 
e’lon qilishi hamda uni belgilangan tartibda roʻyxatdan o‘tkazishi lozim; 
–
 
agarda jamiyatning asosiy aktivlari qiymati qonun bilan belgilab 
qo‘yilgan ustav fondining minimal miqdoridan kamayib ketsa, jamiyat 
tugatilishi lozim; 

---

47 
–
 
jamiyat ustav kapitalini kamaytirish uchun dastlab o‘z kreditorlarini 
bu haqida yozma ravishda ogohlantirishi lozim, bundan maqsad 
kreditorlarning manfaatini himoya qilishdir. 
Yuridik va jismoniy shaxslar mas’uliyati cheklangan jamiyatning 
muassislari bo‘lishlari mumkin. Qonun bilan ayrim toifadagi jismoniy 
shaxslarning jamiyatda ishtiroki taqiqlanishi yoki cheklanishi mumkin.
Davlat hokimiyati va boshqaruvi organlari jamiyatda ishtirokchi 
bo‘lish huquqiga ega emas, biroq qonun hujjatlarida boshqacha tartib ham 
belgilanishi mumkin. Jamiyat bitta shaxs tomonidan ham ta’sis etilishi 
mumkin va u jamiyatning yagona ishtirokchisi bo‘lib qoladi. Bir nechta 
ishtirokchilar tomonidan ta’sis etilgan jamiyat, keyinchalik yagona 
ishtirokchidan iborat bo‘lgan jamiyat sifatida ham faoliyat ko‘rsatishi 
mumkin. Bitta ishtirokchi (jismoniy shaxs)dan iborat bo‘lgan xo‘jalik 
jamiyati boshqa jamiyatning yagona ishtirokchisi bo‘la olmaydi. 
Mas’uliyati cheklangan jamiyat ishtirokchilarining soni ellik nafardan 
ortib ketmasligi lozim. 
Mas’uliyati cheklangan jamiyat bilan bir qatorda