Toshkent davlat yuridik universiteti

Qishloq  xo‘jalik  uchun  mo‘ljallangan  (sug‘oriladigan)  yerlarni 
alohida  muhofaza  qilish  va  qat’iy  belgilangan  maqsadda 
foydalanish  prinsipi 
asosida  shakllangan  normalar  bunday  toifadagi 
yerlarning  alohida  huquqiy  maqomini  belgilaydi.  Bunga  sabab  bu 
yerlarning  miqdor  jihatidan  cheklangani  va  mahsulot  yetishtiruvchi 
ishlab  chiqarish  vositalari  bo‘lib  xizmat  qilishidir.  Bu  yerlarning 
huquqiy  maqomi  va  xo‘jalik  holati  ustuvorlikka  ega  bo‘lgani  uchun 
alohida  qimmatbaho  deb  qaraladi.  Yer  kodeksida  ularning  ustuvorlik 
holatini  aks  ettiradigan  normalar  bor.  Masalan,  Yer  kodeksining  43-
moddasi  to‘rtinchi  qismida  bu  yerlarni  qishloq  xo‘jaligidan  o‘zga 
ehtiyojlar  uchun  boshqa  toifadagi  yerlarga  o‘tkazishga  alohida  hollarda 
qonun hujjatlariga muvofiq yo‘l qo‘yiladi, deyilgan. 44-moddaga asosan 
sug‘oriladigan yerlar alohida muhofaza qilinishi lozim. Bunday yerlarni 
sug‘orilmaydigan  yerlar  sirasiga  o‘tkazish  alohida  hollarda,  tuproq-
meliorativ  va  iqtisodiy  sharoitlarni  hamda  yerlarning  suv  bilan 
ta’minlanganligi,  ulardagi  mavjud  suv  resurslarini  va  bu  suvlarga 
belgilangan  limitlarni  inobatga  olib,  O‘zbekiston  Respublikasi  Vazirlar 
Mahkamasi  bilan  kelishilgan  holda  viloyat  hokimi  qaroriga  binoan 
amalga oshiriladi.