Toshkent davlat yuridik universiteti

daraxtlar,  butalar  va  boshqa  o‘simliklardan  tarkib  topgan  tabiat 
ob’ekti majmuini tushunish maqsadga muvofiqdir.  
Yuqorida  bildirilgan  fikrlardan  kelib  chiqib,  o‘rmonlar  tushunchasi 
belgilariga quyidagilarni kiritish mumkin:  
birinchidan, 
o‘rmonlar  maxsus  ajratilgan  yerlarda,  ya’ni  o‘rmon 
fondi yerlarida joylashgan bo‘ladi; 
ikkinchidan, 
yuridik  va  jismoniy  shaxslarning  ixtiyorida  bo‘la 
turib,  o‘rmon sifatida tan olingan bo‘lishi;  
uchinchidan, 
davlatning hisob hujjatlarida o‘rmon deb qayd etilgan 
bo‘lishi lozim.  
 
O‘zbekiston  Respublikasi  Yer  kodeksining  8-modda  6-bandiga 
ko‘ra,  o‘rmon fondi yerlari ikki qismga: 1) o‘rmon bilan qoplangan 2) 
o‘rmon  bilan  qoplanmagan  bo‘lsa  ham,  o‘rmon  xo‘jaligi  ehtiyojlari 
uchun  berilgan  yerlar  hisoblanadi.  O‘zbekiston  Respublikasi  Yer 
kodeksi  (76-modda)  va  O‘zbekiston  Respublikasining  1999  yil  15 
aprelda  qabul  qilingan  “O‘rmon  to‘g‘risida”gi  qonuni  o‘rmon  fondi  va 
uning  yerlaridan  foydalanish  rejimiga  taalluqli  munosabatlarni  tartibga 
soluvchi  asosiy  normativ  hujjatdir.  Bu  qonun  hujjatlarida  o‘rmon  fondi 
yerlarining huquqiy holati belgilab berilgan. Ko‘rsatib o‘tilgan normativ 
hujjatlarga  binoan  o‘rmon  fondi  tushunchasi  va  o‘rmon  fondi  yerlari 
tushunchasi bir-biriga mutanosibdir. 
Shunday  qilib,  o‘rmon  fondi  deganda,  davlat  ahamiyatiga  ega 
bo‘lgan  o‘rmonlar,  ya’ni  davlat  o‘rmon  xo‘jaligi  organlari 
qaramog‘idagi  o‘rmonlar,  boshqa  idoralar  va  yuridik  shaxslar 
foydalanishidagi  o‘rmonlar  tushuniladi  (O‘zbekiston  Respublikasining 
“O‘rmon to‘g‘risida”gi qonuni 5-modda).  
O‘rmon  fondi  yerlaridan  foydalanishning  asosiy  vazifasi  biologik 
xilma-xillikni  ta’minlash  va  yog‘och  yetishtirishdan  iborat.  Bu  yerda, 
yer,  bosh  ishlab  chiqarish  vositasi  sifatida  bo‘ladi.  Shuning  uchun 
o‘rmon  fondi  yerlarining  katta  qismini