Тошкент давлат юридик университети

14
-
BOB. O‘SIMLIK DUNYOSI VA O‘RMONLARNI MUHOFAZA 
QILISH VA ULARDAN FOYDALANISHNI HUQUQIY TARTIBGA 
SOLISH 
O‘simlik dunyosi va o‘rmonlarni muhofaza qilish va ulardan 
foydalanish tushunchasi va huquqiy asoslari. O‘simlik dunyosi va 
o‘rmonlardan foydalanish tartibi. O‘simlik dunyosi va o‘rmonlarni 
muhofaza qilish va undan foydalanish sohasida davlat boshqaruvi va 
nazorati. O‘simlik dunyosini va o‘rmonlarni muhofaza qilish va ulardan 
foydalanishda xorijiy tajriba. 
 
O‘simlik dunyosi va o‘rmonlarni muhofaza qilish va ulardan 
foydalanish tushunchasi va huquqiy asoslari 
O‘simlik dunyosi va o‘rmonlar insoniyat uchun muhim ekologik, 
ijtimoiy va iqtisodiy vazifalarni bajarishi bilan tavsiflanadi. Xususan, 
o‘simlik dunyosi va o‘rmon boyliklari 
insonlarni hayotiy zaruriyat bo‘lgan kislorod 
bilan ta’minlovchi asosiy manba ekanligi, 
shuningdek iqtisodiyot va xalq xo‘jaligining 
turli sohalarida keng qo‘llanilishi ularni 
ekologik tizimning o‘ziga xos ekologik 
xususiyatlarga ega bo‘lgan tarkibiy qismi 
sifatida alohida huquqiy muhofaza qilishni 
taqozo etadi. Hozirda dunyoda uchraydigan 
600000 turdan ortiq yovvoyi o‘simlik 
turlaridan 
O‘zbekistonda 
4500 turi 
uchraydi, ularning 9% endemik, ya’ni faqat 
muayyan geografik hududga xos bo‘lgan turlari hisoblanadi.
 
Bir nechta 
normativ-huquqiy hujjatlar o‘simlik dunyosi va o‘rmonlarni muhofaza 
qilish va undan foydalanishning huquqiy asoslari bo‘lib xizmat qiladi. 
O‘simlik dunyosi va o‘rmonlarni muhofaza qilish va undan foydalanish 
konstitutsiyaviy normalar bilan bir qatorda 
“Tabiatni muhofaza qilish 
to‘g‘risida”
, 
“O‘simlik dunyosini muhofaza qilish va undan 
foydalanish to‘g‘risida”
,