Кириш
7
CONTENTS
Introduction
Glossary
CHAPTER I. Entrepreneurship (business) law as separate field of the law
CHAPTER II. The Subjects of entrepreneurship (business) law and their
types
CHAPTER III. The order for organization of the activity of subject of
enterprise
CHAPTER IV. The
legal bases of bankruptcy
CHAPTER V. Property bases of business activity
CHAPTER VI. Agreements in business activity Introduction
CHAPTER VII. Legal regulation of foreign economic activity
CHAPTER VIII. Bases of financing and crediting of subject
of enterprise
CHAPTER IX. Legal regulation of exchange activity and securities market
CHAPTER X. Taxation of subjects of enterprise
CHAPTER XI. State supervision over the activity of subject of enterprise
CHAPTER XII. Legal protection of the rights and legal interest of the
subjects of enterprise
Reference books
Normative-legal acts
Кириш
8
КИРИШ
Ишбилармон, мардлик ва шижоат соҳиби, азми қатъий,
тадбиркор ва ҳушёр бир киши, минг-минглаб, тадбирсиз, лоқайд
кишилардан яхшидир.
Амир Темур (Темур тузуклари)
Барчамизга маълумки давлатнинг куч қудрати – аввало,
демократик институтларнинг мустақил фаолият кўрсатиши учун
шарт-шароит яратиш, фуқаролар ва жамиятнинг барча сиёсий,
ижтимоий салоҳиятини рўёбга чиқариш, тадбиркорлик ва иқтисодий
ташаббуслар эркинлиги учун зарур имкониятларни ташкил этиб
бериш қобилияти билан ўлчанади.
Ишбилармонлик муҳитини тубдан яхшилаш,
тадбиркорлик
фаолиятини амалга ошириш учун энг қулай шарт-шароитларни
яратиш, тадбиркорлик субъектлари фаолияти билан боғлиқ тартиб-
таомилларнинг турлари ва сонини қисқартириш, соддалаштириш ва
очиқ-ойдинлик даражасини ошириш, бизнесни юритиш шарт-
шароитларини баҳолаш мезонларининг жаҳон амалиётида
мавжуд
қабул қилинган тизимини жорий этиш ва шу асосда мамлакатимиз
ишбилармонлик ва инвестиция муҳити даражасининг халқаро
рейтингини янада ошириш мақсадида изчил ислоҳотлар амалга
оширилмоқда.
Бугунги кунда мамлакатимизда олиб борилаётган иқтисодий
ислоҳотлар самараси тадбиркорлар фаолиятини эркинлаштиришда,
уларга кенг йўл очиб берган ҳолда назорат қилувчи органларнинг
ваколатларини
аниқ-равшан
белгилаб
олишда
ва
албатта,
тадбиркорлик субъектлари ҳуқуқларининг ҳимоясини амалда
таъминлашда кўринмоқда.
Дарҳақиқат, бугун ҳар биримиз тадбиркорликнинг ривожланиши
жамиятимиз равнақи, аҳоли фаровонлигини таъминлаш ҳамда
барқарор иқтисодий ҳаётни барпо этишнинг муҳим
омили
эканлигини чуқур ҳис этмоқдамиз.
Қўлингиздаги
ушбу
дарслик
Тошкент
давлат
юридик
университети “Тадбиркорлик ҳуқуқи (бизнес ҳуқуқи)” кафедраси
томонидан Ўзбекистон Республикасининг “Таълим тўғрисида”ги
қонуни ва Кадрлар тайёрлаш Миллий дастури, Ўзбекистон
Республикаси Президентининг 2013 йил 28 июндаги “Юридик
Кириш
9
кадрлар тайёрлаш тизимини янада такомиллаштириш чора-
тадбирлари тўғрисида”ги ПҚ–1990-сон Қарори ҳамда Ўзбекистон
Республикаси Вазирлар Маҳкамасининг 1998 йил 5 январдаги
“Узлуксиз таълим тизимини дарсликлар ва ўқув адабиётлари билан
таъминлашни такомиллаштириш тўғрисида”ги 4-сон қарорига
мувофиқ тайёрланган.
Маълумот ўрнида шуни
айтиш жоизки, Ўзбекистон Республикаси
Президентининг “Юридик кадрлар тайёрлаш тизимини янада
такомиллаштириш чора-тадбирлари тўғрисида” 2013 йил 28 июндаги
ПҚ–1990-сон Қарорига асосан Тошкент давлат юридик университети
даргоҳида келажакда тадбиркорлик, бизнес соҳасида юқори малакали
кадрларни тайёрлаш учун янги тадбиркорлик-ҳуқуқий фаолият (бизнес
ҳуқуқи) йўналиши, ҳамда ушбу йўналиш бўйича
бевосита масъул
бўлган янги “Тадбиркорлик ҳуқуқи (бизнес ҳуқуқи)” кафедраси ташкил
этилди. Ҳозирги кунда ушбу йўналиш бўйича талабаларни янги авлод
дарсликлари билан таъминлаш мақсадида, тадбиркорлик ҳуқуқи
фанлари бўйича мукаммал равишда ўз билимларини бойитиб,
келажакда ушбу соҳада етук малакали кадрлар бўлишда ёрдам
тарзида ушбу дарслик кафедра томонидан ишлаб чиқилди.
Хулоса ўрнида шуни айтиш мумкинки, мамлакатимизда
тадбиркорлик фаолияти эркинлигининг давлат томонидан тўлиқ
кафолатланганлиги иқтисодиётни янада ривожлантиришда муҳим
омил бўлмоқда.
Дарсликда тадбиркорлик субъектлари, уларнинг ташкилий-
ҳуқуқий
шакллари, тадбиркорлик субъектларини ташкил этиш,
фаолиятини амалга ошириш, қайта ташкил этиш, тугатишнинг
ҳуқуқий асослари ва тартиби, тадбиркорлик ҳуқуқи субъектларининг
мулкка нисбатан ҳуқуқлари, тадбиркорлик (хўжалик) шартномалари,
уларнинг ўзига хос хусусиятлари,
тадбиркорлик субъектлари
фаолиятини молиялаш ва кредитлаш, уларни солиққа тортиш,
тадбиркорлик субъектларини давлат томонидан қўллаб-қувватлаш,
уларнинг ҳуқуқий ҳимоя тизими ва жавобгарлик асослари каби
мавзулар ёритилган.
