Тошкент давлат юридик университети тадбиркорлик (бизнес) ҲУҚУҚИ

Бизнесмен
(тадбиркорлик) сўзи биринчи маротаба Англия 
иқтисодиётида XVIII асрда пайдо бўлиб, у 
“мулк эгаси”
деган 
маънони билдирган. 

---

I БОБ. Тадбиркорлик (бизнес) ҳуқуқи алоҳида ҳуқуқ соҳаси 
21 
Ҳозирги кунда бизнесмен – бу ўз мулки ёки бошқа шахслар 
мулкидан фойдаланган ҳолда ўз ишбилармонлиги ва тажрибасига 
ҳамда таваккалчиликка асосланиб, фойда олишни кўзлаб иш олиб 
борувчи шахсдир. 
Бизнес 
(инглизча – business; русча – дело, антерпренерство – иш, 
машғулот) – таваккалчилик ва ўзининг жавобгарлиги остида 
хусусий ёки қарзга олинган воситалари ҳисобидан амалга 
ошириладиган, асосий мақсади фойда олиш ва ўз фаолиятини 
ривожлантиришга қаратилган ташаббускор иқтисодий фаолиятдир. 
Ишбилармонлик – бизнес юритиш учун амалий қулай шароит 
туғдириб бериш, кичик бизнес ва хусусий тадбиркорликни ҳар 
томонлама қўллаб-қувватлаш ва рағбатлантириш реал иқтисодиётни 
ислоҳ этишнинг навбатдаги энг муҳим йўналишидир. 
Мамлакатимиз раҳбари И.Каримов қайд этганидек 
“...Соҳа ривожи 
учун 
мустаҳкам 
қонунчилик 
ва 
ҳуқуқий 
база 
шакллантирилгани 
ва 
мунтазам 
такомиллаштирилиб 
борилаётгани, бизнес учун имтиёз ва преференциялар бериш, 
ишлаб чиқаришни техник ва технологик қайта жиҳозлаш ҳамда 
модернизация қилиш масалаларида давлат томонидан тизимли 
равишда ёрдам кўрсатилаётганлигини таъкидлаш лозим”
. 
(Каримов И.А. “Ўзбекистонда ижтимоий-иқтисодий сиёсатни амалга оширишда кичик 
бизнес ва хусусий тадбиркорликнинг роли ва аҳамияти” халқаро конференциядаги 
маърузаси. //Халқ сўзи, 2012 йил 15 сентябрь). 
Бозор муносабатларида тадбиркорлик фаолияти билан боғлиқ 
жараёнлар бир қатор қонунларида, жумладан, 
Фуқаролик кодекси, 
Солиқ кодекси, Божхона кодекси, Ер кодекси, “Тадбиркорлик 
фаолияти эркинлигининг кафолатлари тўғрисида”, “Қишлоқ 
хўжалиги кооперативи (ширкат хўжалиги) тўғрисида”, “Фермер 
хўжалиги тўғрисида”, “Деҳқон хўжалиги тўғрисида”ги
ва бошқа 
қонунлар билан тартибга солинади. 
Ушбу ҳуқуқий муносабатларни тадбиркорлик ҳуқуқи модул 
фани ўрганади, у бозор иқтисодиётининг шаклланиш жараёнида 
муҳим ҳуқуқий восита бўлиб хизмат қилади.