Тошкент давлат юридик университети суд экспертизаси ўқув курси дастури (силлабус)

V. ЎҚУВ КУРСИДАН КУТИЛГАН НАТИЖАЛАР
Ўқув курси сўнгида талабалар қуйидагилар бўйича билимга эга бўладилар:
турли хил эксперт дуч келадиган вазиятларни тўғри талқин этиш ва илмий жиҳатдан асослаш;
суд экспертизасини тайинлаш, эксперт олдига саволлар қўйиш, эксперт хулосасини тузишга оид назарий жиҳатдан тушуниш;
анъанавий ҳамда замонавий суд экспертизаларини ўтказишга оид илмий-назарий услубларни ўзлаштириш.

Қуйидаги кўникмаларга эга бўладилар:

суд экспертизасига оид назарий ва амалий билимларни амалиётда қўллаш, муайян экспертиза тури бўйича эксперт олдига қўйиладиган саволларни шакллантира олиш;
суд экспертизасини ўтказиш учун намуналар олиш тартибини тушуниш;
суд экспертизасини тайинлаш ва ўтказишга оид процессуал хужжатларни тузиш ва расмийлаштириш;
илмий билишнинг кузатиш, ўлчаш, таққослаш, индукция, дедукция ва бошқа методларини қўллаш;
ўқув-лаборатория машғулотларида, имитацион суд-экспертизасида иштирок этиш;
жиноят ва жиноят-процессуал қонун ҳужжатлари билан ишлаш.

Қуйидаги қобилиятларни эгаллайдилар:

экспертиза ўтказиш учун олинадиган намуналар билан ишлаш;
жиноят иши бўйича ишни судга қадар юритиш ва суд муҳокамаси давомида экспертиза тайинлашда экспертизанинг замонавий ютуқларидан хабардор бўлиш ва улардан фойдаланиш;
эксперт олдига жиноят иши учун аҳамиятли энг мақбул саволларни қўя олиш.


VI. ЎҚУВ КУРСИ РЕЖАСИ

1. Жадвал: мавзулар бўйича жами соатлар

№	Мавзулар номланиши	Жами соат	Аудитория соати		Мустақил таълим соатлари
			Маъруза	Семинар
1.	1-мавзу. Кириш: Суд экспертизасини ташкил қилиш ва ўтказиш тушунчаси, моҳияти, вазифалари ва турлари	9	1	2	6
2.	2-мавзу. Ҳужжатлар техник-криминалистик ва суд-хатшунослик экспертизалари	9	1	2	6
3.	3-мавзу. Суд трасологик экспертизаси	11	1	4	6
4.	4-мавзу. Суд баллистик экспертизаси	11	1	4	6
5.	5-мавзу. Инсоннинг ташқи қиёфа белгилари асосида ўтказиладиган текширув	12	2	4	6
6.	6-мавзу. Суд фонографик экспертизаси	9	1	2	6
7.	7-мавзу. Айрим материаллар, буюмлар ва маҳсулотлар экспертизалари	10	2	2	6
8.	8-мавзу. Суд муҳандислик-техник эскпертизалари	10	2	2	6
9.	9-мавзу. Суд-экологик экспертизаси	9	1	2	6
10.	10-мавзу. Суд биологик экспертизаси	9	1	2	6
11.	11-мавзу. Суд компьютер-техник экспертиза	10	2	2	6
12.	12-мавзу. Суд бухгалтерия экспертизаси	8	1	1	6
13.	13-мавзу. Суд тиббий экспертизаси	10	2	2	6
14.	14-мавзу. Суд психологик ва суд психиатрия экспертизалари	9	1	2	6
15.	15-мавзу. Суд автотехник экспертизаси	9	1	2	6
	Жами:	150	20	40 (5 – баҳолаш)	90

2. ЎҚУВ КУРСИ ТАРКИБИ

1-мавзу. Кириш: Суд экспертизасини ташкил қилиш ва ўтказиш тушунчаси, моҳияти, вазифалари ва турлари Суд экспертизаси тушунчаси, эксперт, мутахассис, уларнинг ҳукуқ ва мажбуриятлари. Экспертиза тайинлаш учун зарурат ва уни ўтказиш асослари Жиноят иши бўйича ишни судга қадар юритиш ва суд муҳокамаси давомида экспертиза тайинланиш тартиби ва ўтказишнинг шартлиги Суд экспертизаси турлари ва объектлари. Қўшимча, қайта, комиссиявий ва комплекс экспертизалар Зарурий адабиётлар: Базарова Д.Б., Астанов И.Р. Криминалистика ва экспертиза. Дарслик. – Т.: ТДЮУ, 2019. Б. 18 – 60. Муаллифлар жамоаси. Жиноят ишини юритишда экспертиза: мазмуни, аҳамияти, тайинлаш ва ўтказиш асослари. Услубий қўлланма. – Т.: Ўзбекистон Республикаси Бош прокуратураси, 2016. Б. 7 – 78. Норбаев А.Н. Закутский А.С. Вопросы организации и проведения судебных экспертиз Учебное пособие. Издание 2, переработанное и дополненное – Т.: Издательство ТГЮИ. 2009. С. 4 – 29.