Тошкент давлат юридик университети модуль: “тадбиркорлик (бизнес) ҲУҚУҚИ”

ЎзРнинг ғазна мажбуриятлари - эмиссиявий қимматли қоғозлар эгалари ЎзРнинг Давлат бюджетига пул маблағлари киритганликларини тасдиқловчи ва бу қимматли қоғозларга эгалик қилишнинг бутун муддати мобайнида қатъий белгиланган даромад олиш ҳуқуқини берувчи эмиссиявий қимматли қоғозлар;
Қимматли қоғозларнинг ҳосилалари - ўз эгаларининг бошқа қимматли қоғозларга нисбатан ҳуқуқларини ёки мажбуриятларини тасдиқловчи ва юридик шахслар томонидан опционлари, қимматли қоғозларга доир фьючерслар, депозитар тилхатлар ва бошқа молиявий воситалар тарзида чиқариладиган қимматли қоғозлар.


Эмитент ва депонент тушунчалари нимани англатади?
эмитент - эмиссиявий қимматли қоғозлар чиқарувчи ва улар юзасидан қимматли қоғозларнинг эгалари олдида мажбуриятлари бўлган юридик шахс;
Депонент - депозитарийда депо ҳисобварағига эга бўлган шахс; қимматли қоғозлар бозори профессионал иштирокчисининг мижози (мижоз) ёки унинг хизматларидан фойдаланувчи бошқа шахс;

Қимматли қоғозлар қандай шаклларда бўлади?

Қимматли қоғозлар чиқарилиш шаклига кўра бланкалар тарзида ҳужжатли ва депозитарийнинг ҳисобга олиш регистрларидаги ёзувлар тарзида ҳужжатсиз бўлиши мумкин.
Акциялар ҳужжатсиз шаклда чиқарилади.
Облигациялар юридик ва (ёки) жисмоний шахслар учун чиқарилади.

Олтин акция нима?

«Олтин акция» давлатнинг айрим жамиятларни бошқаришда иштирок этишига доир махсус ҳуқуқи бўлиб, у стратегик аҳамиятга эга бўлган давлат корхоналари хусусийлаштирилаётганда ёки жамиятларнинг давлат акция пакетлари хусусий мулк этиб реализация қилинаётганда ЎзР Вазирлар Маҳкамасининг қарорига асосан жорий этилади ва мамлакатнинг иқтисодий манфаатлари ҳимоя қилинишини таъминлайди. «Олтин акция» қийматга эга бўлмайди, бошқа шахсга ўтказилмайди ҳамда гаровга берилмайди, жамият устав фондининг (устав капиталининг) миқдорини белгилашда ва дивидендларни ҳисоблашда инобатга олинмайди.
«Олтин акция» жамиятнинг устав фондида (устав капиталида) давлат улуши мавжуд бўлмаган ёки бу улуш жамият устав фондининг (устав капиталининг) йигирма беш фоиздан ошмайдиган жамиятларда жорий этилиши мумкин. Давлатнинг «олтин акция»дан фойдаланиш тартиби ЎзР Вазирлар Маҳкамаси томонидан белгиланади.
Акцияларнинг номинал қиймати қанча?
Акцияларнинг номинал қиймати беш минг сўмдан ортиқ бўлиши мумкин эмас.