Toshkent davlat yuridik Universiteti Jinoyat-protsessual huquqi

PROTSESSUAL MUDDATLAR TURLARI – 1) qonunda belgilangan protsessual muddatlar; 2) sud tomonidan tayinlangan protsessual muddatlar.

PROTSESSUAL MUDDATLARNI HISOBLASH – muddatlar, qonunda nazarda tutilgan hollarda surishtiruvchi, tergovchi, prokurorning qarori yoki sudning ajrimi bilan tayinlangan muddatlar soatlar, sutkalar va oylar bilan hisoblanadi.

PROTSESSUAL HARAKATLAR VA QARORLAR USTIDAN SHIKOYAT QILISH – protsess ishtirokchilarining qonunda mustahkamlangan huquqlarini va jinoyat ishlari yurituvi jarayonida buzilgan tiklash uchun yuqori turuvchi organga yoki mansabdor shaxsga qilgan murojaat.

PROTSESSUAL CHIQIMLAR – jinoyat sud ish yurituvini amalga oshirayotgan subyektlar (surishtiruv, dastlabki tergov, sud) va boshqa protsess ishtirokchilarining jinoyat qonuni bilan qo‘riqlanadigan huquqiy munosabatlarni jinoiy buzilishi va uning holatlarini aniqlash bo‘yicha jinoyat-protsessual faoliyatni amalga oshirishga oid hamda jinoyat sodir etishda aybdor deb topilgan shaxsdan va (yoki) jinoyat sud ishida ishtirok etayotgan boshqa shaxslardan, alohida hollarda esa, davlatdan undiriladigan xarajatlari.

Q

QAROR – bu davlat hokimiyati organining o‘z vazifalarini amalga oshirish bo‘yicha muayyan maqsadga erishishga yo‘naltirilgan va shu maqsadni amalga oshirish vositalari va yo‘llarini nazarda tutgan boshqaruv vaziyatini tahlil etish va baholashga oid erki ifodasidir. Qaror ijro hokimiyati tegishli organi kompetensiyasi doirasida qabul qilinadigan me’yoriy yoki individual (aniq shaxs yoki vaziyatga taalluqli) huquqiy hujjat ko‘rinishida yuridik rasmiylashtirilishi natijasida huquqiy ahamiyat kasb etadi. Boshqaruv faoliyatini amalga oshirish jarayonida uzoq muddatli va muayyan soha bilan bog‘liq faoliyat (ishlar)ni istiqbolli loyihalalash yuzasidan qarorlar, masalan, maqsadli dasturiy qarorlar, joriy asosiy faoliyatni amalga oshirish bo‘yicha tezkor, protsessual, uslubiy, tavsiyaviy, individual va shok. qarorlar qabul qilinishi mumkin. Qarorlarni qabul qilish quyidagi bosqichlardan iborat bo‘lishi mumkin: qarorni qabul qilishning zarurligini asoslantirish; uning axborot ta’minoti; qaror mazmunini, shu jumladan, ko‘zlangan maqsadga erishish uchun zarur chora-tadbirlar va harakatlar ro‘yxatini shakllantirish; talab qilinadigan resurslar (mablag‘ va vositalar) turlari va hajmini asoslash; qarorni amalga oshirish muddatlari va ijrochilarning aniq manzillarini belgilash; qaror qabul qilinishida manfaatdor taraflarni va ular bilan qaror mazmuni yuzasidan kelishish shakllarini o‘rnatish; zarur hollarda tegishli idoralar va mutaxassislar bilan maslahatlar tashkil etish; qaror loyihasini tayyorlash, muhokama qilish va uning samaradorligini dastlabki baholash; qarorni ifoda etuvchi hujjatning yuridik shaklini aniqlash. Qarorni tayyorlash huquqiy hujjat loyihasini rasmiylashtirish va tegishli tartibda qabul qilinishi bilan yakunlanadi.