Toshkent davlat yuridik universiteti jinoyat huquqi

Javobgarlikka tortish muddatining oʼtib ketganligi munosabati bilan 
jinoyat uchun javobgarlikdan ozod qilish
– shaxs jinoyat sodir etgandan keyin 
qonunda nazarda tutilgan maʼlum bir muddatlar davomida jinoiy javobgarlikka 
tortilishi va jinoyat sodir etishda aybdor yoki aybdor emasligi masalasi hal qilinishi 
lozim boʼlgan hollarda shaxs javobgarlikka tortilmasligi natijasida javobgarlikdan 
ozod qilinishi. 
Jinoiy javobgarlikdan ozod qilish
– shaxs sodir etgan ijtimoiy xavfli 
qilmishida aybdorlik masalasi hal qilinmasdan turib, uning barcha huquqiy 
oqibatlaridan uni ozod qilish. 
Jinoyat huquqi 
– Oʼzbekiston Respublikasi Oliy Davlat hokimiyat organi 
tomonidan oʼrnatilgan, qilmishning jinoiyligini va jazoga sazovorligini belgilovchi 
jinoiy javobgarlik va uning asoslarini, jazoning maqsad va vazifalarini, jazo 
tizimini, jazo tayinlashning umumiy asoslarini, javobgarlikdan va jazodan ozod 
qilishni, shuningdek, ijtimoiy xavfli qilmish sodir qilgan shaxslarga nisbatan tibbiy 
yoʼsindagi majburlov choralari qoʼllashni, tartibga soluvchi yuridik normalar 
majmuidan iborat boʼlgan huquq tarmogʼidir. 
Jinoyat qonuni 
– oʼzining ichki uzviy birligi va bir-biriga oʼzaro bogʼliq 
jinoyat-huquqiy meʼyorlarning mustahkam tizimga ega ekanligi bilan ajralib 
turuvchi jinoyat huquqi prinsiplarini, jinoiy javobgarlik asoslari va shartlarini, 
jinoyat deb eʼtirof etiladigan ijtimoiy xavfli qilmishlarni, bunday qilmishlarni sodir 
etgan shaxslarga nisbatan huquqiy taʼsir choralari qoʼllanilishining turi va 
chegarasini belgilab beruvchi Oliy davlat organi tomonidan qabul qilingan va oliy 
yuridik kuchga ega boʼlgan qonun hujjatidir.