Toshkent davlat yuridik universiteti ixtisoslashtirilgan filiali

Тадбирнинг субъектлари сифатида фаолиятни амалга оширувчи органлар ходимлари ёки уларга махфийлик асосида кўмаклашувчи шахслар шахслар ҳисобланадилар.Тезкор киритиш субъектлари ҳақидаги маълумотлар давлат сирини ташкил этишини ва тезкор-қидирув фаолиятини амалга оширувчи орган раҳбарининг қарори асосидагина (қонунда назарда тутилган ҳолларда ва тартибда) ошкор этилиши мумкинлигини таъкидлаш муҳим.
Масалан ушбу ТҚТни ўтказиш унча мураккаб бўлмаган, бир марталик хусусият касб этганда ҳамда вазифани ҳал этиш учун етарли имконият мавжуд ҳолларда, жиноий муҳитга уларнинг розилиги билан алоҳида фуқаролар ҳам киритилиши мумкин.
Фаолиятни амалга оширувчи органларга кўмаклашаѐтган, уюшган жиноий гуруҳ, жиноий уюшма орасига уларни фош қилиш мақсадида киритилган шахс қонунда белгиланган тартибда қилмишнинг жиноийлигини истисно қиладиган ҳолатлар мавжуд бўлган тақдирда, қонунга хилоф қилмишлари учун жиноий жавобгарликдан озод этилади.
Уюшган жиноий гуруҳ, жиноий уюшма аъзоларини ҳуқуқка хилоф ҳаракатларини фош қилиш мақсадида ўтказиладиган тезкор киритиш тадбирлари тегишли раҳбарлар ва назорат қилувчи прокурор тасдиқлаган режага кўра амалга оширилади.
Тегишли раҳбарлар қонун бузилишининг олдини олиш ва конспирацияни таъминлаш мақсадида тезкор киритишни қўллаш ва олинган натижалардан фойдаланиш устидан кундалик назоратни таъминлашлари шарт.Тезкор киритилаѐтган шахсга йўл-йўриқ беришда, унга ташкилотчилик қилиш ѐки жиноят содир этишга оғдириши ва ундаши, шунингдек, фуқаролар ҳаѐти ва соғлигига зарар етказувчи жамият ва атроф муҳит хавфсизлигига таҳдид соладиган ѐки бошқа оғир оқибатларга олиб келадиган қасддан жиноят содир этмасликлари тўғрисида ѐзма равишда огоҳлантирилади.Тезкор киритиш тадбири натижалари билдирги орқали расмийлаштирилади. Билдиргида, тадбирнинг мақсади, амалга оширилган ишлар, муддат, тадбир давомида олинган маълумотлардан фойдаланишнинг тактик усуллари, эришилган натижалар ва бошқа маълумотлар батафсил кўрсатилади. Билдиргига тадбир давомида ишлатилган махсус техник воситалар орқали қайд этилган ахборот ташувчилар (аудио, видео, фото ва ҳ.к.) илова қилиниши мумкин.
Тезкор киритишни ташкилий ва техник жиҳатдан таъминлаш тайёрлов ҳаракатларини ҳам, таъминот ва ҳимоя хусусиятига эга чораларни ҳам пухта режалаштиришни қамраб олади.
Тезкор киритиш мақсадларига муваффақиятли тарзда эришилиши
киритиш амалга оширилишидан кўзланган кейинги ТҚТни, яъни ниқобланган операцияни амалга оширишга ўтиш имконини беради.