Тошкент давлат транспорт университети амалиётчининг хисоботи Талаба Бозоров Омонжон Махамаджон ўғли

5. Бошқарма раҳбарининг ҳуқуқ ва мажбуриятлари

29. 
    Бошқармага раҳбарлик қиладиган бошлиқ “Ўзбекистон темир йўллари” АЖ бошқаруви раисининг буйруғига биноан лавозимга тайинланади ва озод қилинади.
    
30. 
    Бошқарма бошлиғи рахбарлик ваколатларидан фойдаланади, ушбу Низомда кўрсатилган фаолиятига оид масалаларни мустақил равишда хал қилади.
    
31. 
    Техник сиёсат масалаларини хал қилиш учун бошқарманинг техник кенгаши тузилади ва у “Ўзбекистон темир йўллари” АЖнинг бош менежери - бош мухандиси тасдиқлаган Низом асосида ишлайди.
    
32. 
    Бошқарма бошлиғи ушбу Низом, ЎТЙ раҳбариятининг буйруқлари, тасдиқланган режаларни ҳисобга олган ҳолда, қуйидаги вазифаларни бажаради:
    

барча корхоналар, ташкилот ва муассасаларда бошқарманинг манфаатларини ифода этади, ЎТЙ бошқаруви раиси томонидан берилган ишончнома асосида шартномалар ва битимлар тузади;
ишлаб чиқариш бўлинмалари тўғрисидаги Низомни тасдиқлайди;
таркибий ишлаб чиқариш бўлинмаларининг штат жадвалини тасдиқлайди;
бошқарманинг чорак ва йиллик хисоботларини имзолайди;
маъмурий ва хўжалик ишлари бўйича ЎТЙ рахбариятига таклиф киритади;
ЎТЙ раҳбариятига Ўзбекистон Республикаси Меҳнат Кодекси ва тасдиқланган лавозимларнинг номенклатурасига мувофиқ, ўз ўринбосарларини, таркибий ва тармоқ бўлинмалари рахбарларини бошқа лавозимга ўтказиш, ишдан бўшатиш, амалдаги қонун ҳужжатларига мувофиқ ходимларга рағбатлантириш ва интизомий жазо чораларини қўллаш тўғрисида таклифлар киритади;
ЎТЙ раҳбарияти ва ўз қарорларининг бажарилишини назорат қилади;
лавозимлар номенклатурасига мувофиқ ўзи ва ўринбосарлари ўртасида вазифаларни тақсимлайди;
таркибий ишлаб чиқариш бўлинмаларининг ходимларини қабул қилиш ва ишдан бўшатишни назорат қилади;
маҳфийлик тартиби таъминланишини ва махфий маълумотларни ошкор қилишдан химоя қилиш чора-тадбирлари бажарилиши назоратини амалга оширади;
Қуйидаги ҳуқуқларга эга:
белгиланган тартибда таркибдаги бўлинмаларда мавжуд бўлган статистик хисоботлардан фойдаланиш;
белгиланган ишчилар сони миқдорида бошқарма таркибига зарур ўзгартиришлар киритиш тўғрисида таклифлар тақдим этиш;
ЎТЙ корхоналари ва бошқа ташкилотлар билан шартномалар ҳамда битимлар тузиш учун таркибий ишлаб чиқариш бўлинмаларининг раҳбарларига ишончнома бериш;
бошқарма таркибий ишлаб чиқариш бўлинмалари раҳбарлари томонидан Ўзбекистон Республикаси қонунларига, ЎТЙ қарорларига, йўл хўжалиги манфаатларига ва ушбу Низомга зид бўлган буйруқлар ва бошқа ҳужжатларни бекор қилиш;
МТУ ва тармоқ бўлинмалари раҳбарлари томонидан Ўзбекистон Республикаси қонунларига, ЎТЙ қарорларига, йўл хўжалиги манфаатларига ва ушбу Низомга зид бўлган буйруқлар ва бошқа ҳужжатларни бекор қилиш тўғрисида таклифлар киритиш.

33. 
    Бошқарма бошлиғи:
    

ЎТЙ раҳбарияти қарорларининг бажарилишини таъминлайди;
ушбу Низомда кўрсатилган мажбуриятларни бажармаганлик ёки лозим даражада бажармаганлик учун Ўзбекистон Республикасининг амалдаги қонунчилигига мувофиқ жавобгар бўлади.

34. 
    Қурилмаларга техник хизмат кўрсатишни ташкил этиш, меҳнатнинг ва меҳнатга ҳақ тўлашнинг илғор шаклларини жорий этиш, хўжалик фаолиятини бошқариш.
    
35. 
    Бошқарма раҳбари йўқ бўлган даврда унинг вазифаси бошлиқнинг биринчи ўринбосари, бош муҳандис ёки бошлиқ ўринбосарига юкланади.