Toshkent davlat transport universitet

«O’ztemiryo’lmashta`mir»UK tuzilmasi va vazifasi haqida«O’ztemiryo`lmashta`mir» UK

Temir yo’l transporti Respublikamiz iqtisodiyotining asosiy qon tomiri hisoblanib, yo’lovchi va yuk tashishni amalga oshirishni ta'minlashga qaratilgan xalq xo’jaligining turli xil ehtiyojlarini qondirishga xizmat qilib kelmoqda, ayniqsa, bu so’nggi yillarda mustaqillik sharofati bilan jadal sur'atlarda rivojlanib bormoqda. “O’ztemiryo’lmashta’mir” unitar korxonasi “O’TY” AJning tarkibiga kirib asosiy faoliyati lokomotivlar kapital ta’miri va ehtiyot qismlar ishlab chiqarish. Zavod 1900 yildan Toshkent bosh temir yo’l ustaxonasi bazasida yaratilgan va O’rta Osiyot temir yo’llari boshqarmasiga rasmiy ravishda topshirilgan. 1958 yildan zavodning tubdan qayta qurilishi boshlangan. Uch yil davomida zavod jamoasi 146 dona stanokli, energetik va ko’tarish-transport jixozlarini ta’mirlashni o’zlashtirishgan va ta’mirlagan. Zavodda konstruktorlik bo’limi tashkil qilingan va lokomotivlar ta’miri bo’yicha zaruriy xujjatlarni ishlab chiqish bilan shug’ullangan. 1959 yilda birinchi marta TE3 seriyadagi magistral teplovozi ta’mirlangan. 1965 yilda mamlakatda birinchi marta Chexoslavakiyaning ChME-2 seriyali teplovozini ta’mirlash ishlari o’zlashtirildi.

Etmishinchi yillarda zavod 2TE10L seriyadagi katta magistral teplovozlarni ta’mirlashni amalga oshira boshladi. Saksoninchi yillarda zavod faoliyatiga yirik kapital qo’yilmalar qo’yildi va zavod rekonstrukstiya qilingunicha yiliga 300 ta sekstiya teplovoz ta’mirlangan bo’lsa, rekonstrukstyaidan keyin ularning soni 400 ta ga etdi. To’qsoninchi yillarda o’tkazilgan rekonstrukstiya ishlaridan so’ng zavod to’liq mustaxkamlandi. Yangi istiqbolli texnlogiyalar joriy qilingandan so’ng zararga ishlayotgan korxona rentabelli korxonaga aylandi. 1993 yilda O’zbekiston Respublikasi Vazirlar Maxkamasining qaroriga qo’ra Toshkent teplovoz ta’mirlash korxonasi, Andijon va Paxtaobod mexanika zavodlari qayta tashkil etilib “O’ztemiryo’lmashta’mir” ishlab chiqarish korxonasiga aylantirildi va “O’zbekiston temir yo’llari” davlat akstionerlik jamiyati tarkibiga kiritildi. O’zining ixtisoslashuviga ko’ra zavod O’rta Oiyoda yagona hisoblanadi.