Тошкент Давлат техника

Yurgizib yuborish motori krivoship – shatun mexanizmi detallarini tekshirish va almashtirish. Agar gilzaga o‘rnatilgan halqa qulfidagi tirqish 2 mm dan, halqa va porshen ariqchasi orasidagi tirqish balandligi bo‘yicha 0,3 mm dan ortiq bo‘lsa, porshen halqalari almashtiriladi. Porshen halqalari almashtirilgandan, ayniqsa yo‘nilgandan va jilvirlashlangandan so‘ng uning qirralarini tozaligi tekshiriladi va ushbu qirralar 0,4 – 0,6 mm radius bo‘yicha dumaloqlanadi.
Porshen barmog‘ining o‘tirishi buzilganda uni ta’mir o‘lchamidagi (18,2 – 0,006 mm) barmoqqa almashtiriladi. Barmoqni bobishkalardagi teshikka 0,004 – 0,016 mm lik taranglik bilan o‘rnatiladi. Eski porshen barmog‘ini chiqarib olish va yangisini presslash uchun porshen 100°S gacha qizitiladi. Ta’mir o‘lchamidagi barmoqni o‘rnatishda shatunning yuqori kallagidagi vtulka teshigi razvyortkalanadi. Bunda barmoq va vtulka o‘rtasidagi tirqish 0,022 – 0,038 mm chegarasida bo‘lsin.
Normal tirqishda vtulkadagi porshen barmog‘i shatunning yuqorigi kallagida qo‘l kuchida buralishi va o‘zining og‘irligi ta’sirida siljishi lozim. Ta’mir o‘lchamidagi porshenni eyilgan va yo‘nilmagan silindrga o‘rnatish mumkin emas. Ishlagan lekin yo‘nilmagan silindrga xromlangan porshen halqasini ham o‘rnatish ma’n etiladi.
Shatunning pastgi kallak podshipnigidagi tirqish (0,008 – 0,020 mm) krivoship-shatun roliklari va barmoqlari uchun zarur bo‘lgan tirqishlar komplektlashdan so‘ng hosil qilinadi. Кrivoship barmoqlari diametri bo‘yicha uch o‘lcham guruhiga, roliklar o‘n o‘lcham guruhiga va shatunning pastgi kallagi esa o‘n ikki guruhiga saralanadi.
3. Mashg‘ulot o‘tkazish vositalari:
Xizmat ko‘rsatish va ta’mirlash bo‘yicha me’yoriy ma’lumotlar; mavzuga tegishli bo‘lgan plakatlar, maketlar; mashinalarning agregati, uzellari va detallari.
4. Mashg‘ulot davomida quyidagi masalalar
o‘rganilishi lozim:
Yonilg‘i bilan ta’minlash tizimiga texnik xizmat ko‘rsatish va uni ta’mirlash jarayoni qanday olib borilishi; moylash va sovitish tizimlarini rostlash va ta’mirlash jarayoni; yurgizib yuborshi tizimini rostlash va ta’mirlash qanday ishlarni o‘z ichiga olishi.