Toshkent davlat sharqshunoslik instituti

MUALLIF HAQIDA MA’LUMOT
Sadibekova Bibisora Djapparovna Toshkent Davlat Sharqshunoslik Instituti, “Uzoq Sharq va Janubiy Osiyo mintaqasi iqtisodiyoti va mamlakatshunosligi” kafedrasi mudiri, dotsent.

Egallab turgan lavozimida 2009 yilning sentyabr oyidan faoliyat olib boradi.

Iqtisod fanlari nomzodi, dotsent. 50 dan ortiq ilmiy-tadqiqot, o‘quv-uslubiy ishlar, shuningdek 3 ta o‘quv qo‘llanma va 2 ta o‘quv-uslubiy ishlar, 1 monografiya, 60 dan ortiq ilmiy maqolalar, shuningdek 6 ta chet elda nashr ettirilgan maqolalar muallifi.

U xalqaro va respublika ilmiy-amaliy anjuman va seminarlarda faol ishtirok etadi.

Sadibekova B.D. ilmiy-pedagogik kadrlar tayyorlashga katta e’tibor beradi. U ikki nafar stajer-tadqiqotchi-izlanuvchining ilmiy rahbari (Babadjanova N., Abduxalilova F.). Iqtidorli talabalar bilan ish olib borishga katta e’tibor qaratadi. Hozirda uning rahbarligida 2 nafar iqtidorli talabalar o‘z ilmiy ishlarini amalga oshirib kelmoqda va birgalikda ular tomonidan ilmiy maqolalar institut va respublika miqyosidagi anjumanlarda chop etilmoqda.

1999 yildan boshlab bakalavriat yo‘nalishi – 5231000 – Xorijiy mamalakatlar iqtisodiyoti va mamlakatshunosligi (mamalakatlar va mintaqalar bo‘yicha), magistratura mutaxassisligi - 5A231001 - Xorijiy mamalakatlar iqtisodiyoti va mamlakatshunosligi (mamalakatlar va mintaqalar bo‘yicha) kadrlar tayyorlashda o‘z hissasini qo‘shib kelmoqda. Xususan, u davlat ta’lim standartlarini, o‘quv rejalarini, namunaqiy va ishchi dasturlarni ishlab chiqarishda faol qatnashadi.

Kafedraning o‘quv rejalari asosida Sadibekova B.D. tomonidan quyidagi fanlar bo‘yicha o‘quv qo‘llanmalari va o‘quv uslubiy majmualari tayyorlandi. Ulardan, “Xitoy iqtisodiyoti” o‘zbek tili lotin grafikasida 3 qismdan, “Indoneziya iqtisodiyoti” o‘zbek tilida, “Yaponiya iqtisodiyoti” rus tilida 3 qismdan iborat o‘quv qo‘llanmalari nashrdan chiqarildi.

U o‘z ustida tinmay mehnat qilib, o‘zining ilmiy pedagogik salohiyatini oshirib kelmoqda. Xususan, 2000 yilda “Soros” fondi tomonidan uyushtirilgan treninglarda; 2009 yilda O‘zbekiston Respublikasi “Iste’dod” fondida va xar 3 yilda Toshkent Davlat Iqtisodiyot Universiteti qoshidagi malaka oshirish markazida o‘z malakasini oshirib bormoqda.

Shu bilan birga, Sadibekova B.D. O‘zbekiston Respublikasi Fanlar Akademiyasi tomonidan tuzilgan ekspert xay’atiga a’zo bo‘lib, doimiy ravishda ilmiy loyihalar muxokamasida ekspert sifatida faol qatnashib kelmoqda. Undan tashqari, O‘zbekiston Respublikasi Jamiyat qurilishi akademiyasining 2 nafar magistrantlariga ilmiy rahbarlik qilib kelmoqda va Toshkent shahridagi oliygohlar va kollejlarning davlat attestatsiya xay’atida a’zo sifatida faol qatnashadi.

Irodali, adolatli, qat’iyyatli va o‘z ishiga sidqidillik bilan yondoshadi.

O‘z xamkasabalariga xurmat va extirom bilan qaraydi hamda ular orasida muayyan hurmatga sazovordir.

Talabalarga nisbatan ob’ektiv va talabchandir.