Toshkent davlat pedagogika universiteti "tasdiqlayman"

Fanning vazifalari – tabiatdan oqilona foydalanish, ya’ni tabiiy sharoit va resurslardan to’g’ri foydalanish, atrof - muhitni muhofaza qilish, tabiatni oqilona o’zgartirish kabi masalalarni hal etishda inson va tabiat munosabatlarining geografik asoslarini ochib berish va ularda tabiatdan foydalanishda geografik bilimlarni qo’llay olish, tabiiy resurslar, ularning iqtisodiyotda tutgan o’rni, ulardan foydalanishning ilg’or metodlari bilan tanishtirishdir. O’quv fanining ob’ekti va predmeti, maqsad va vazifalarini belgilash, tabiiy resurslarning geografik tarqalishini kartalarda ifodalash, davlatlarning tabiiy resurs imkoniyatlarini hisobga olish, baholash, prognozlash va boshqarish masalalariga asosli daliliy fikr – mulohazalar bildirish, O’zbekistonda tabiiy resurslardan oqilona foydalanishning hududiy jihatlarini o’rgatishdan iborat.

“Tabiatdan foydalanishning geografik asoslari” o’quv fanini o’zlashtirish jarayonida amalga oshirilgan masalalar doirasida bakalavr:
- tabiatdan foydalanishda tabiy muhit sharoitini hisobga olish, umumiy tabiiy geografik qonuniyatlar, geografik qobiq, uning tuzilishi haqida, tabiiy sharoit va tabiiy resurs tushunchasi, tabiiy resurslarning tasnifi, tabiiy resurslarning xo’jalik ahamiyati haqida tasavvurga ega bo’lishi;
- turli geosistemalar bo’yicha dala tadqiqot ishlari olib borish metodlari, muayyan hududlar tabiiy resurslarini baholash, tabiiy resurslardan foydalanganda yuz beradigan oqibatlar prognozini ishlab chiqish, hududlarning resurs salohiyatini iqtisodiy tahlil qilish va baholash, ekologik ekspertizani bajarish va xulosalar olish ko’nikmalarilariga ega bo’lishi kerak;
- geografik qobiqning rivojlanish qonuniyatlarini, tabiiy geosistemalar rivojlanishining prognozlarini, tabiat komponentlari orasidagi murakkab o’zaro aloqalar va qonuniyatlarni, tabiatdan foydalanishning turli (ekologik, huquqiy, iqtisodiy, ijtimoiy) jihatlarini, tabiatni muhofaza qilish tadbirlarini, ekologik-iqtisodiy rayonlashtirishni, davlat ekologik ekspertizasini malakalariga ega bo’lishi kerak.