Toshkent davlat pedagogika universiteti tabiiy fanlar fakulteti

Тадқиқот материали ва услублари.
Тадқиқот ишлари 2019-2020 йиллар 
давомида олиб борилди. Навоий вилоятининг Кармана, Навбаҳор, Нурота ва 
Хатирчи туманларига тегишли турли ёш ва жинсдаги 29 бош эчки академик 
К.И.Скрябиннинг [4] тўлиқ ва тўлиқ бўлмаган гельминтологик ёриб кўриш 
усули билан текширилди. Ундан ташқари, 83 бош эчкилардан олинган 
фекалий намуналари гельминтокапрологик усуллар билан текширилди [2]. 

---

286 
Натижалар ва уларнинг муҳокамаси
. Олиб борилган тадқиқотлар 
натижасида Навоий вилоятининг турли худудларида эчкилар организмида 38 
тур гельминтлар паразитлик қилиши аниқланган бўлиб, улар Trematoda (4), 
Cestoda (5) ва Nematoda (29) синфларининг 9 та туркум, 15 та оила ва 22 та 
авлодига мансуб ҳисобланади (
жадвал
). Турлар хилма-хиллигини туркумлар 
кесимида таҳлил қиладиган бўлсак, 20 та тур Strongylida туркумига мансуб 
бўлиб, қайд этилган турларнинг 52,63 % ни ташкил этади. Кейинги ўринларни 
цестодаларнинг Cyclophyllidae ва нематодаларнинг Pseudaliida туркумлари 
эгаллаб, бу туркумлар 5 (13,15%) ва 4 (10,52%) турларни, мос равишда, ўз 
таркибларида бирлаштирган. Қолган 6 та туркум таркибида 1 ёки 2 тадан 
турлар қайд этилган. 
Эчкиларнинг умумий ўртача зарарланиши 43,3% ни ташкил этади. 
Инвазия интенсивлиги 2-128 нусхадан иборат. Бу кўрсаткич йил мавсумига 
боғлиқ равишда ўзгариб туриши аниқланди. Эчкиларнинг гельминтлар билан 
зарарланиши ёз охири куз бошида кўтарилиб бориб, куз охирида максимал 
даражага (47,3%) етади. Қишдан баҳор мавсумига қараб зарарланиш даражаси 
камайиши (24,7 %) кузатилди. Ҳайвонлар жинсининг зарарланиш даражасига 
таъсир этиши қайд этилмади. Эчкиларда моноинвазия ҳолати кузатилмади. 
Битта эчки организмида 3 тадан 10 тагача турлар қайд этилди. Ўтказилган 
тадқиқотларда эчкиларнинг асосан яйлов мавсуми даврида гельминтлар билан 
зарарланиши кузатилди. 
Навоий вилояти эчкиларидан топилган паразит чувалчангларнинг 14 тури 
биогельминт, 24 - геогельминт ҳисобланади. Биогельминтлар уч гуруҳга 
бўлинади: моллюскалар, бўғимоёқлилар ва сутэмизувчилар иштирокида 
ривожланувчи турлар.
Жадвал 
Навоий вилояти уй эчкилари гельминтларининг таксономик структураси