Тошкент давлат педагогика университети ш. С. Шарипов, Ҳ. Якубова, С. Й. Аҳмадалиев

 
 
 
 
 
 
 

---

4 
 
 
1. Амалиётчи талабага маслаҳатлар 
 
Педагогик амалиёт меҳнат таълими ўқитувчисини тайёрлашда шундай 
жараёндирки, бунда ҳар бир талаба ўқиш даврида тўплаган билимларини
комплекс тарзда фойдаланишга тўғри келади. Шунинг учун педагогик амалиёт 
даврида ўқиш жараёнидаги барча камчиликлар яққол кўриниб қолади. 
Педагогик амалиёт, меҳнат таълими ўқитувчисини тайёрлашда ўзига хос синов
ҳисобланади. Шуни назарда тутиш керакки, амалиётчининг ёши у раҳбарлик 
қилаётган ўқувчиларнинг ёшидан жуда кам фарқланади. Бундай вазиятда 
биринчи кундан бошлаб тўғри йўл танлаш, ўқувчиларга нисбатан 
такаллуфсизликка йўл қўймаслик, такаббурона муносабатда бўлмаслик жуда 
муҳимдир. Тажрибанинг кўрсатишича, амалиётчи талаба ўқувчилар билан 
тўғри муносабатда бўлса, яъни уларга хайрихоҳлиги ва камтарлигини намоён 
қилсагина у тезда болалар билан иноқлашиб кетади.
Амалиётчи талабанинг ташқи қиёфаси ҳам муҳим рол ўйнайди. У 
ўқувчига намуна бўлиши зарур. Амалиётчи талаба оддий, озода кийиниши 
лозим, бу шартни бажармаган талаба ўқувчилардан шу нарсани талаб қила 
олмайди. Амалиётчи талаба нафақат ташқи қиёфаси билан, балки ўзининг 
одоби, ҳулқи, катта ва кичикларга муомаласи билан намуна бўлиши керак. Бу 
эса талабанинг амалиёт даврида турли тўсиқларга дуч келмасдан амалиётни 
тугатишига ва давр талабидаги педагог кадр бўлишига замин бўлади. Талабалар 
амалиёт даврида мактаб педагогик жамоанинг аъзоси бўладилар, бинобарин 
мактаб тартибига бўйсунадилар, меҳнат интизомига амал қиладилар.
Педагогик амалиётнинг самарадорлиги кўп жиҳатдан талабанинг 
мустақиллиги ва фаоллигига, унинг ишга ижодий ёндошишига боғлиқ бўлади. 
Мана шу амалиёт даврида талаба битирув малакавий иши мавзуси бўйича 
тадқиқот материалларини тўплаш ва умумлаштириш учун имконият яратилади.