Тошкент давлат педагогика университети ш. С. Шарипов, Ҳ. Якубова, С. Й. Аҳмадалиев

---

 
 
ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ 
 
Низомий номидаги
ТОШКЕНТ ДАВЛАТ ПЕДАГОГИКА УНИВЕРСИТЕТИ 
 
Ш.С.Шарипов, Ҳ.Якубова, С.Й.Аҳмадалиев 
ПЕДАГОГИК АМАЛИЁТ
жараёнида талабалар касбий мослашишининг
ташкилий-методик омиллари 
МЕТОДИК ҚЎЛЛАНМА 
 
 
 
Тошкент – 2007 
 
 

---

2 
Шарипов Ш.С., Якубова Ҳ., Аҳмадалиев С.Й. Педагогик амалиёт 
жараёнида талабалар касбий мослашишининг ташкилий-методик омиллари. 
Методик қўлланма. –Т.: Низомий номидаги ТДПУ, 2007. 37 б. 
 
 
 
Бўлажак 
меҳнат 
таълими 
ўқитувчиларини 
тайёрлаш 
тизимида 
талабаларнинг умумтаълим муассасаларида ўтказиладиган педагогик амалиёт 
алоҳида ўрин тутади. Мазкур методик қўлланмада педагогик амалиётнинг 
мақсади, вазифалари ҳамда мазмуни талабалар касбий мослашишига 
қўйиладиган ташкилий-методик талаблар нуқтаи назаридан ёритиб берилади. 
Касб таълими факультети талабалари ва амалиёт раҳбарлари учун 
мўлжалланган. 
Тақризчилар: п.ф.д., проф. У.Нишоналиев 
т.ф.н., проф. Б.Муҳамеджанов 
п.ф.н., доц. М.Юлдошева 
 
 
 
 
 
 
 
 
 
 
 
 
 
 

---

3 
 
 
 
КИРИШ 
Республикамиз ижтимоий-сиёсий ҳаётининг барча соҳаларида бўлгани 
каби таълим соҳасида ҳам туб ўзгаришлар жараёни кечмоқда.
Ўзбекистон Республикасининг «Таълим тўғрисида»ги қонуни ва «Кадрлар 
тайёрлаш миллий дастури» таълим тизими жумладан, олий педагогик таълим 
муассасалари олдига педагогик кадрларни тайёрлашни тубдан яхшилаш 
вазифасини қуймоқда. 
Бўлажак меҳнат таълими ўқитувчиларини тайёрлашнинг муҳим 
босқичларидан бири педагогик амалиёт саналади. Олий таълим муассасаси 
аудиториясида эгалланган назарий билимлар, малака ва кўникмалар умум 
таълим мактабларида амалиёт давомида синовдан ўтади, ривожлантирилади. 
Педагогик амалиёт талабаларни умумий ўрта таълим муассасаларида ўқув 
тарбиявий ишларга касбий педагогик ва психологик тайёрлаш, ижодий 
фикрлаш, касбий маҳорат ва қобилиятларни ривожлантириш мақсадида ташкил 
этилади.
Педагогик амалиётнинг асосий мақсади талабаларни меҳнат таълими 
ўқитувчиси ва синф раҳбари вазифасини бажаришга тайёрлашдир. Айнан шу 
амалиёт жараёнида талабалар ўқувчиларни тарбиялашга, ўқув ва тарбиявий 
жараёнларни узвий бирликда амалга оширишга, болаларни ғоявий-сиёсий, 
ақлий, аҳлоқий, меҳнат, жисмоний ҳамда эстетик жиҳатдан тарбиялашнинг 
бирлигини таъминлашга ўрганадилар.