Toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 2021/ 6 - SON 
45 
Matematikani o‗rganish uchun past motivatsiya, bu o‗zlarining ta‘lim 
faoliyatini mustaqil ravishda nazorat qila olmaslik, mavzularni o‗rganishga kam 
soatlarning ajratilishi, ko‗p miqdorda yozish, yozilgan ma‘lumotlarning ma‘nosini 
tushunishga ulgurmasligi va matematik tayyorgarlik darajasining pastligidadir. 
Tadqiqotning nazariy ahamiyati shundaki: 
- yangi axborot texnologiyalaridan foydalanishni nazariy va amaliy asoslash 
pedagogik tizim sifatida faoliyat yurituvchi, texnika oliy oʻquv yurtlarida 
talabalarining kasbiy tayyorgarligi jarayonini takomillashtirish vositasi sifatida 
berilgan; 
- tadqiqotda mavjud bo‗lgan yangi axborot texnologiyalari yordamida 
to‗qimachilik va paxta sanoat yo‗nalish mutaxassisliklari talabalarining kasbiy 
tayyorgarligini tashkil etish g‗oyalari va qoidalari, prinsiplari va tushunchalari, 
yondashuvlari va texnologiyalari to‗plami ilmiy bilimlarni tarkibiy tuzish 
muammosini hal qilinish maqsadida amaliy masalalarni dasturiy ta‘minotlar 
yordamida yechish mumkinligi asoslangan.
- yangi axborot texnologiyalari, shu jumladan mezon bo‗yicha to‗qimachilik 
va paxta sa‘noat yo‗nalish mutaxassisliklari talabalarining kasbiy tayyorgarligini 
oshirishning o‗ziga xos mezonini ishlab chiqildi.
Tadqiqot obyekti: to‗qimachilik va paxta sanoat yo‗nalish mutaxassisliklari 
talabalarini kasbga tayyorlash jarayoni. 
Tadqiqot predmeti: to‗qimachilik va paxta sanoat yo‗nalish mutaxassisliklari 
talabalarining kasbiy tayyorgarligini yangi axborot texnologiyalari yordamida 
takomillashtirish. 
Tadqiqot gipotezasi: agar texnika oliy oʻquv yurtlarida to‗qimachilik va paxta 
sanoat yo‗nalish mutaxassisliklari talabalarining kasbiy tayyorgarligi, dasturiy 
ta‘minotlari paydo bo‗lishi va rivojlanishining o‗tkazilgan ilmiy-pedagogik tahlili 
asosida, yangi ma‘lumotlardan foydalanishni nazariy va amaliy asoslash yanada 
samarali bo‗ladi. 
Maqsadga erishish va tadqiqot gipotezasini sinash uchun quyidagi vazifalar 
qo‗yiladi: 
- to‗qimachilik va paxta sanoat yo‗nalish mutaxassisliklari talabalarini 
kasbiy tayyorlashda yangi dasturiy ta‘minotlar mazmunining o‗ziga xos 
xususiyatlarini, amalga oshirishning asosiy turlari va shakllarini hamda didaktik 
imkoniyatlarini aniqlash; 
- yangi dasturiy ta‘minotlar yordamida to‗qimachilik va paxta sanoat 
yo‗nalish mutaxassisliklar talabalarining kasbiy tayyorgarligini takomillashtirish 
metodikasini ishlab chiqish va uni texnika oliy oʻquv yurtlarida muvaffaqiyatli 
amalga oshirish uchun pedagogik usullari ko‗rsatildi. 

---