Тошкент давлат иқтисодиёт университетида магистрлик диссертациясини тайёрлаш, расмийлаштириш ва ҳимоя қилиш тўғрисида

VII. Илмий-тадқиқот фаолияти натижалари юзасидан
шикоят қилиш

35. 
    Комиссия томонидан қўйилган баҳодан норози бўлган магистратура талабаси диссертация ҳимояси натижалари эълон қилинган кундан эътиборан уч кунлик муддат ичида Университет ректор номига апелляция шикояти бериши мумкин. Мазкур ҳолатда Магистратура бўлими бошлиғининг билдиришномасига мувофиқ ректор буйруғи билан 5 нафар аъзодан кам бўлмаган апелляция комиссияси тузилади.
    
36. 
    Апелляция комиссиясининг учдан икки қисми мавжуд бўлганда у ваколатли ҳисобланади. Апелляция комиссияси қарори оддий кўпчилик овоз билан қабул қилинади ва барча комиссия аъзолари ҳамда мажлис иштирокчилари томонидан имзоланган баённома билан расмийлаштирилади.
    
37. 
    Магистратура талабасининг шикояти апелляция комиссияси томонидан унинг иштирокида кўриб чиқилади.
    
38. 
    Апелляция комиссияси шикоятни кўриб чиқиш жараёнида магистратура талабасининг эътирозларини ҳар томонлама ўрганиб чиқади.
    
39. 
    Апелляция комиссияси тадқиқот фаолияти натижаларини қайта баҳолаш учун қўшимча саволлар бериш ҳуқуқига эга эмас.
    
40. 
    Апелляция комиссияси магистратура талабасининг шикоятини кўриб чиқиш якунлари бўйича қуйидаги қарорлардан бирини қабул қилади:
    

қўйилган баҳони ўзгаришсиз қолдиради;
қўйилган баҳони ўзгартиради.
Апелляция шикоятини кўриб чиқиш жараёнида магистратура талабаси томонидан олинган дастлабки баҳони пасайтириш тақиқланади.

8. 
   Якуний қоидалар
   

35. 
    Мазкур Низомда белгиланган масалалар бўйича низолар қонун ҳужжатларига мувофиқ ҳал қилинади.